Gjashtë koncerte në edicionin e 22-të të Festivalit të muzikës bluz dhe soul
kulture
Gjashtë koncerte në edicionin e 22-të të Festivalit të muzikës bluz dhe soul

Gjashtë koncerte në edicionin e 22-të të Festivalit të muzikës bluz dhe soul

Shkup, 18 shtator - Edicioni i 22-të i "Bluz dhe Soull Festivalit" në organizim të Drejtorisë për Kulturë dhe art-Shkup do të mbahet tre ditë para fundjavës së ardhshme në tavernën "Qyteti i vjetër" (Temov) në Çarshinë e Vjetër. Interpretuesit këtë vit janë nga Maqedonia, Serbia, Belgjika dhe Danimarka dhe janë sipas përzgjedhjes së Ivo Soldatoviq, i cili për të dytin vit është selektues i festivalit.

"Festivalin bluz dhe soul" të premten (21 shtator) do ta hapë "Crossroad Blues Band", një nga bluz-bendet më të njohura nga Maqedonia, i cili mbijetoi në skenë tashmë dy dekada. Mbrëmja e parë e festivalit do të finalizohet me katërshen belge "Shakedown Tim & The Rhythm Revue", themeluar nga Tim Shejkdaun, i cili interpreton kombinimin dinamik të zhanreve bluz, xhamp-bluz dhe bugi, deri te zhanri suing dhe ritëm dhe bluz.

Mbrëmjen e dytë të festivalit, të shtunën (22 shtator) do ta hapë kuinteti "The Gamblers" nga Mitrovica e Sremit, Serbi, të cilët, sipas selektuesit të Festivalit, Soldatoviq, janë përbërje legjendare e bluzit që prej vitit 1984 dhe interpretojnë nëpër festivale prestigjioze të Evropës.

Mbrëmja e së shtunës do të përfundojë me interpretimin e "Chris Grey & The BlueSpand" nga Danimarka, trioja e Kris Grej dhe yllit të bluzit në Evropë dhe botë. Zhanri i tyre gruvi-fanki bluz në dy vitet e fundit po e pushton Evropën.

Koncertet e Festivalit treditor "Bluz dhe Soull" do të fillojnë prej orës 21:00. Biletat për çdo mbrëmje janë nga 200 denarë apo 500 denarë për bllok-bileta për tre mbrëmjet.

© ZHURNAL 18.09.2018, 14:38 | Xh.I. | 358 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."