Nuhiu i hapi Lojërat dhe takimet e pesëmbëdhjeta sportive të SPM-së në Ohër
maqedonia
Nuhiu i hapi Lojërat dhe takimet e pesëmbëdhjeta sportive të SPM-së në Ohër

Nuhiu i hapi Lojërat dhe takimet e pesëmbëdhjeta sportive të SPM-së në Ohër

Shkup, 14 shtator - Zëvendësministri i Punëve të Brendshme, Agim Nuhiu sot në Ohër mori pjesë në hapjen solemne të Lojërave dhe takimeve të pesëmbëdhjeta sportive të anëtarëve të SPM-së të cilat nga 14 deri më 16 shtator do të mbahen në Ohër. Këtë vit përveç anëtarëve të Sindikatës së Policisë së Maqedonisë, marrin pjesë edhe përfaqësues nga nëntë sindikata të policisë nga vende të tjera.

Zëvendësministri Nuhiu në fjalimin e tij tha se këtë traditë të cilën e ka vendosur Sindikata e Policisë së Maqedonisë, me tendencë të qartë që të jetë edhe hepening  cilësor sindikal sportiv ndërkombëtar, në vete nënkupton edhe komunikim, shkëmbim të përvojave, njoftime të ndërsjella.

"Organizimi sindikal, pa dyshim, është goditje në luftën për mbrojtjen dhe zhvillimin e të drejtave të punëtorëve. Secila shoqëri që synon drejtë zhvillimit dhe prosperitetit, është e obliguar që ta ushqejë dhe mbështesë frymën sindikale. Kjo mënyrë e veprimit, përmes garave dhe shoqërimeve sportive, sado që ajo të duket e nivelit të dytë, mund të ketë efektet e saja pozitive në funksionimin cilësor sindikal", theksoi zëvendësministri Nuhiu para mysafirëve të pranishëm dhe pjesëtarëve të SPM-së.

© ZHURNAL 14.09.2018, 18:20 | T.E. | 182 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."