Saveski: E liruan Pavle Bogoevskin, ndërsa neve na tërheqin nëpër gjykata
maqedonia
Saveski: E liruan Pavle Bogoevskin, ndërsa neve na tërheqin nëpër gjykata

Saveski: E liruan Pavle Bogoevskin, ndërsa neve na tërheqin nëpër gjykata

Shkup, 14 shtator - Aktivisti i partisë “E Majta” Zdravko Saveski, në llogarinë e tij në Facebook ka shkruar se për shkak të mungesës së prokurores Snezhana Bundalevska-Gorigievska, sot në Gjykatën Penale në Shkup sërish është anuluar seanca gjyqësore kundër tij dhe Vlladimir Kunoskit.

Ata së bashku me Mariglen Demiri janë të akuzuar për demolimin e zyrës së presidentit Gjorge Ivanov, gjatë protestave të “Revolucionit Laraman”.

Saveski shkruan se gati dy vite janë duke u tërhequr nëpër gjykata, pa arsye.

“Sot përsëri e anuluan seancën. Gati dy vite po na tërheqin për asgjë nëpër gjykata. LSDM-ja do të sillte prokurori të pavarur? Hajde. Prokurorja duke mos pasur argumente dhe prova, me qëllim shtyn procesin pasi ka marrë urdhër të tillë partiak. E liruan Pavlen dhe heshtën. Neve që na tërheqin nëpër gjykata – nuk është e rëndësishme”, ka shkruar mes tjerash Saveski.

Përndryshe, Prokuroria e Shkupit vazhdimisht anulon seancat për të akuzuarit gjatë “Revolucionit Laraman” për arsye të ndryshme. Ndërsa seanca për Mariglen Demiri që e udhëheq gjykatësja Sllavica Andreevska, është caktuar për më 28 shtator.

© ZHURNAL 14.09.2018, 14:27 | D.J. | 917 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."