ZHURNAL.MK ZHURNAL.KS ZHURNAL.AL

 

Ekonomi
Kompanitë mikro dhe të vogla i implementojnë më pak praktikat për përgjegjësi shoqërore

Shkup, 11 shtator - Kompanitë e mesme dhe të mëdha janë kryesisht ato të cilat implementojnë praktika për përgjegjësi shoqërore, por kjo praktikë nuk zbatohet tek ndërmarrjet start ap, mikro dhe të vogla.

Biljana Janeva nga Instituti për strategji dhe marrëdhënie ndërkombëtare "Ohër" nga Shkupi thotë se për çmimin për përgjegjësi shoqërore i cili ndahet tani më 10 vjet kanë aplikuar gjithsej 173 kompani, kryesisht të mesme dhe të mëdha.

"Në Evropë madje dy e treta e të gjitha bizneseve janë me përgjegjësi shoqërore. Jo vetëm që kërkohen këto praktika, por kur zbatohen, kjo u sjell kompanive pozicionim shtesë në treg dhe më shumë klientë. Sipas një hulumtimi, mbi 25 për qind e konsumatorëve e kanë të rëndësishme që kompania nga e cila i furnizojnë shërbimet e tyre të jetë me përgjegjësi shoqërore", theksoi Janeva, e cila sot së bashku me drejtorin e Agjencisë për Sipërmarrësi mori pjesë në një trajnim për përgjegjësi shoqërore për kompanitë që u mbajt në hapësirat e komunës Qendër.

Sipërmarrësia sociale në Maqedoni, gjithashtu nuk është mjaft e zhvilluar, por ka shembuj pozitivë.

"Është me rëndësi të dihet se me zbatimin e kësaj sipërmarrësie, kompanitë nuk do të humbasin nga profili i tyre, por se ky është një përfitim për ta sepse më mirë targetohen në treg dhe ky është martketing shtesë", thotë Janeva.

Trajnimi i sotëm është organizuar në kuadër të Programit operativ të Agjencisë për Sipërmarrësi. Trajnime të ngjashme për përgjegjësi shoqërore, sipërmarrësi sociale dhe të grave do të mbajnë edhe në Strumicë, Kumanovë, Tetovë...

"Dyert tona janë çdoherë të hapura. Gjithçka që do t'ju duhet qytetarëve për start al kompani, për fillim ose për ndihmë u qëndrojmë në dispozicion. Mendoj se edhe si Agjenci duhet të jemi pak më të pranishëm në opinion që të mundet njerëzit të vijnë deri te ne dhe t'i shfrytëzojnë përfitimet që u ofrohen", deklaroi drejtori i Agjencisë për Sipërmarrësi Ile Mitkovski.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 11.09.2018, 13:24  | Xh.I. | 243 i lexuar

 

 

 

Qeveria dhe organizatat mediatike për standardizimin e mediave të internetit

Shkup, 15 tetor - Përfaqësues të tre organizatave mediatike SHGM, SPGM dhe KEMM, të cilët e zhvillojnë iniciativën për krijimin e minimum kritereve në drejtim të mbrojtjes dhe promovim të profesionit në mediat e internetit, sot në takim me përfaqësuesit e Qeverisë informuan për idenë bazë dhe nevojën që të respektohen parime themelore të profesionit të gazetarëve në sferën e internetit.

Siç kumtuan nga shërbimi qeveritar për media, në takim morën pjesë ministri obliguar për komunikime, raportim dhe transparencë, Robert Popovski, këshilltari për marrëdhënie me opinionin të kryeministrit, Marjan Zabërçanec dhe zëdhënësi i Qeverisë Mile Boshnjakovski mbajnë takim pune me përfaqësuesit e SHGM-së, Naser Selmani, kryetaren e Këshillit drejtues të Këshillit për etikë të mediave, Katerina SInadinovska dhe kryetaren e Sindikatës së pavarur të gazetarëve dhe punonjësve mediatikë, Tamara Çausidis.

"Ministri Popovski në takim e përshëndeti inciativën, duke potencuar se organizatat janë në rrugë të duhur përmes vetërregullimit për t'i theksuar dhe konfirmuar paqartësitë, të cilat ekzistojnë në sferën e internet mediave me qëllim që të arrihen standardet etike", qëndron në kumtesë.

Në takimin e punës, organizatat mediatike gjithashtu i paralajmëruan aktivitetet e ardhshme lidhur me iniciativën, gjegjësisht miratim shtesë të kritereve dhe afatin kohor me qëllim që të gjitha palët e cenueshme të cilat punojnë në hapësirën e internetit në Maqedoni, të ketë periudhë për përshtatje.

"Qeveria e Republikës së Maqedonisë, qartë tregon se çdoherë do të jetë partnere e organizatave mediatike në aktivitetet e tyre të cilat janë shumë të rëndësishme, si për mediat dhe punonjësit mediatikë, ashtu edhe për interesin publik të qytetarëve në vend", theksohet në kumtesë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 16:35  | Xh.I. | 372 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.