ZHURNAL.MK ZHURNAL.KS ZHURNAL.AL

 

Kulturë
Erblin Nushie , regjisori i “Binit”, më i shquari në Washington

Rrëfimi, që zhvendoset në prag të shpërthimit të luftës në Kosovë, e ka bindur jurinë e një festivali filmash në Washington DC se regjisori që e ka realizuar atë është ndër filmbërësit më të dalluar vendas atje.

Me filmin “Bini”, Erblin Nushie ka marrë çmimin “DC Shorts Outstanding Local Filmmaker” (Filmbërësi më i shquar lokal i ‘DC Shorts’), shkruan sot “Koha Ditore”.

Festivali është themeluar qysh më 2006, nga “DC Film Alliance”, organizatë joprofitabile e arteve, që ka për qëllim të ndihmojë në ngritjen e urave dhe zbehjen e vakuumit midis organizatave të filmit.

“Bini”, një film 20-minutësh i xhiruar në Pejë, mori vëmendjen e medieve, sidomos pas përfshirjes në listën e të nominuarve për “Oscarin” e studentëve në muajin gusht. “Students Academy Award” e ka bërë filmin e regjisorit kosovar pjesë të garës, në kategorinë “Narrative – domestic film school”, përkrah me filmat “Empty Skies”, “This is your Cuba”, “June”, “Lalo’s House”, “Masks”, “Mid City Blue” e “Spring Floeer”. Ceremonia e 45-të e ndarjes së çmimeve “Student Academy Awards” do të mbahet të enjten e 11 tetorit në Beverly Hills.

“Bini” deri më tani është shfaqur në “Stockholm Independent Film Festival”, në “PriFilmFest” e në “Korça International FilmFestival” dhe në “HollyShorts Film Festival”, që po ashtu është kualifikues i “Oscars”.

 

Nga shfaqja në “DC Shorts Film Festival”, “Bini” ka dalë me trofe. Ky për Nushin është një hap shumë i rëndësishëm... (më gjerësisht lexoni sot në “Koha Ditore”)

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 11.9.2018, 10:07  | Z.H. | 275 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | Z.H. | 3.088 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.