KE alarmon për ndryshime kufizuese në Kodin Zgjedhor për mediat
maqedonia
KE alarmon për ndryshime kufizuese në Kodin Zgjedhor për mediat

KE alarmon për ndryshime kufizuese në Kodin Zgjedhor për mediat

Bruksel, 10 gusht - Këshilli i Evropës dje në platformën e tij për mbrojtjen e gazetarisë dhe sigurisë së gazetarëve publikoi paralajmërim publik për ndryshimet dhe plotësimet e Kodit Zgjedhor, të cilat mund të kenë ndikim negativ mbi lirinë e mediave në Maqedoni.

Në paralajmërimin, siç kumtoi SHGM. qëndron  se shteti i Maqedonisë është burim i i këtij kërcënimi të lirisë së mediave.

Ky paralajmërim vjen me kërkesë të Shoqatës së Gazetarëve të Maqedonisë drejtuar Platformës së Këshillit të Evropës, e cila në reagimin e saj i referohet deklaratës së përbashkët të SHGM, Sindikatës së Pavarur të Gazetarëve dhe Këshillit për Etikë.

“Ndryshimet në Kodin Zgjedhor të miratuara më 25 korrik, të vitit 2018 nga Kuvendi i Maqedonisë në procedurë të shpejtë, si rezultat i marrëveshjes politike midis liderëve të katër partive kryesore politike. Një nga ndryshimet në Kodin Zgjedhor autorizon Komisionin Shtetëror Zgjedhor t’i regjistrojë dhe vlerësojë raportimin e mediave onlajn gjatë kohës së zgjedhjeve. Gjithashtu, neni 181a i ligjit parasheh dënime deri më 4.000 euro për mediat tradicionale dhe onlajn për “raportim të pabalancuar dhe të paanshëm”, thuhet në paralajmërimin e Platformës së Këshillit të Evropës.

Paralajmërimi i është dërguar Kuvendit të Maqedonisë, i cili në periudhën në vijim është i obliguar të sqarojë këto ndryshime të cilët kufizojnë lirinë e mediave.

© ZHURNAL 10.08.2018, 15:07 | Xh.I. | 1,704 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."