Gazeta serbe “Informer”: Thaçi po do luftë
kosova
Gazeta serbe “Informer”: Thaçi po do luftë

Gazeta serbe “Informer”: Thaçi po do luftë

Prishtinë, 19 korrik - Mediumi serb “Informer” ka shkruar sot që presidenti kosovar, Hashim Thaçi është duke kërkuar luftë.

Ky publikim i Informerit vjen pas takimit të Thaçit me homologun e tij serb, Aleksandër Vuçiq dhe përfaqësuesen e BE-së, Federica Mogherini, në Bruksel të cilin takim ai e kishte konsideruar si më të shkurtin por më të vështirin në gjashtë vjetët e fundit.

“Delegacioni i Kosovës i ka refuzuar të gjitha bisedimet. Janë sjellë në mënyrë të pahijshme dhe nuk e kanë pranuar asnjë kompromis”, shkruan në ballinën e kësaj gazete.

“Thaçi ka thënë: Nuk jap asgjë, Serbia duhet ta pranojë pavarësinë, për të tjerat nuk më bën”.

Në Bruksel, ai i kishte prirë edhe delegacionit kosovar në kuadër të fazës finale së dialogut mes Kosovës dhe Serbisë.

Ndërkaq dje, mes tjerash, i pari i Kosovës kishte thënë se Vuçiq duhet ta kuptojë se Kosova është sovrane.

© ZHURNAL 19.07.2018, 14:41 | Xh.I. | 995 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."