Irani: Prishja e paktit bërthamor mund të ketë pasoja për ne
bota
Irani: Prishja e paktit bërthamor mund të ketë pasoja për ne

Irani: Prishja e paktit bërthamor mund të ketë pasoja për ne

Ministri i Jashtëm iranian, Mohammad Javad Zarif u komunikoi sipërmarrësve të brendshëm se prishja e paktit bërthamor që daton nga viti 2015 mund të ketë pasoja shumë të rrezikshme për shtetin.

“Ne mund të diskutojmë ose jo për marrëveshjen. Mirëpo duhet të kemi parasysh se dështimi i marrëveshjes mund të ketë pasoja shumë të rrezikshme për ne”, tha ai. “Kjo në fakt nuk është zgjedhja e sistemit politik iranian” shtoi Zarif, i cili ka ndihmuar në hartimin e marrëveshjes bërthamore me gjashtë fuqi globale.

Zarif nuk ka përmendur dëmet e mundshme, mirëpo ka thënë se dështimi i paktit mund të ndikojë në izolimin politik të Iranit.

Presidenti amerikan, Donald Trump ka njoftuar në muajin maj për tërheqjen e shtetit të tij nga marrëveshja, e cila i siguron Iranit lirim nga sanksionet, në këmbim të frenimit të programit bërthamor.

(gazeta-Shqip.com)

© ZHURNAL 25.06.2018, 14:56 | Xh.I. | 481 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."