“Fyen Erdoganin në rrjetet sociale”, 6 të arrestuar në Turqi
bota
“Fyen Erdoganin në rrjetet sociale”, 6 të arrestuar në Turqi

“Fyen Erdoganin në rrjetet sociale”, 6 të arrestuar në Turqi

Në ditën e zgjedhjeve, të paktën gjashtë persona janë arrestuar nga policia turke me akuzën se kanë fyer shefin e shtetit, Recep Tayip Erdogan, në disa video të publikuara në rrjetet sociale. Materialet janë shpërndarë gjatë takimit kryesor të kandidatit të opozitës, Muharrem Ince, i cili thuhet se ka grumbulluar në tubimin përmbyllës në Stamboll miliona njerëz.

Lajmi për arrestimet është bërë i ditur nga agjencia shtetërore e lajmeve “Anadolu”, duke shtuar që forcat e sigurisë, po përpiqen të identifikojnë të dyshuar të tjerë që kanë “fyer autoritetet” shtetërore përmes internetit.

Që nga zgjedhja e tij në gusht 2014, qindra persona janë vënë nën hetim për fyerje ndaj Erdoganit, mes të cilëve gazetarë, personazhe të botës së sportit dhe spektaklit si dhe shumë studentë.

Ndërkohë kutite e votimit në Turqi për zgjedhjet parlamentare dhe presidenciale janë hapur në mëngjes. Ato konsiderohen si testi më i rëndësishëm për të ardhmen e presidentit Erdogan, i cili gjithsesi ka 15 vjet në pushtet, një herë si kryeministër dhe së fundmi si president. Kutitë e votimit do të mbyllen rreth orës 17: me atë lokale dhe rezultatet e para priten në mbrëmje vonë.

© ZHURNAL 24.06.2018, 17:09 | T.E. | 1,870 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."