Deputetët bllokojnë Kuvendin
kosova
Deputetët bllokojnë Kuvendin

Deputetët bllokojnë Kuvendin

Prishtinë, 21 qershor - Në këtë legjislaturë shumica e seancave të Kuvendit kanë përfunduar para kohës për shkak të mungesës së kuorumit. Kjo pasi një pjesë e madhe e deputetëve ose nuk shkojnë fare në seancë, ose vetëm regjistrohen në listën e mëditjeve dhe më pas largohen nga salla.

Kuvendi i Kosovës tash e sa kohë po karakterizohet me ndërprerje të seancave dhe me mosvotim të pikave të rendit të ditës për shkak të mungesës së kuorumit.

Deputetët ose nuk shkojnë fare në seanca, ose vetëm regjistrohen në fillim të seancës në listën e mëditjes dhe më pas largohen nga salla.

Në seancën e së martës deputetët debatuan tërë ditën, por në fund nuk arritën të miratojnë asnjë pikë, pasi nuk kishte kuorum, shkruan “Zëri”.

Kjo vlerësohet si papërgjegjësi e deputetëve, ndërsa theksohet fakti se aktualisht nuk ka ndonjë mënyrë për t’i penalizuar deputetët që mungojnë ose që largohen nga seancat.

Sipas opozitarëve, kjo situatë e tillë në Kuvend do të vazhdojë derisa kjo Qeveri të bjerë.

Ndërkohë, monitorues të punë së Kuvendit thonë se pritet grumbullimi i çështjeve për votim dhe se kjo situatë nuk do të zgjidhet as me rregulloren e ardhshme.

© ZHURNAL 21.06.2018, 10:06 | Xh.I. | 556 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."