Zaharieva: Maqedonia meriton perspektivë të qartë europiane
maqedonia
Zaharieva: Maqedonia meriton perspektivë të qartë europiane

Zaharieva: Maqedonia meriton perspektivë të qartë europiane

Shkup, 18 qershor - Shefja e diplomacisë bullgare Ekaterina Zaharieva ka deklaruar se marrëveshja e arritur për emrin do të jep dritë jeshile fillimit të negociatave paraqasëse të Maqedonisë me BE-në.

Edhe pse entuziazmi për zgjerim i disa nga shtetet e Unionit nuk është edhe aq i madh, sipas ministres së jashtme Bullgare, Maqedonia meriton një perspektivë më të qartë europiane.

“Më 26 të këtij muaji, të martën e ardhshme, mbahet Këshilli për Çështje të përgjithshme të Bashkimit Europian. Në mbledhje do të diskutohet për temën mbi zgjerimin. Nëse Këshilli arrin pajtueshmëri për fillimin e bisedimeve, atëherë liderët evropian në kuadër të mbledhjes së Këshillit të Europës më 29 dhe 30 qershor, edhe faktikisht do ta konfirmojnë këtë.

Samiti i NATO-s, është më 11 korrik. Ne para një muaji realizuam takim me ministrat e jashtëm. Si në BE ashtu edhe në NATO nuk ka entuziazëm për pranimin e anëtareve të reja, por Maqedoninë e pret një e ardhme e ndritur sidomos pas nënshkrimit të marrëveshjes me Greqinë” – tha ministrja e Jashtme e Bullgarisë, Ekaterina Zaharieva.

Me Këshillin për çështje të përgjithshme pranë BE-së i cili do të mbahet të martën e ardhshme kryeson Bullgaria, dhe nëse arrihet pajtueshmëri atëherë vendimi I liderëve evropian do të konfirmohet edhe në kuadër të Samitit të NATO-s i cili do të mbahet më datë 11 korrik të këtij viti.

© ZHURNAL 18.06.2018, 21:57 | T.E. | 676 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."