BE trefishon buxhetin: 10 mijë roje në kufij
maqedonia
BE trefishon buxhetin: 10 mijë roje në kufij

BE trefishon buxhetin: 10 mijë roje në kufij

Bruksel, 13 qershor - BE do të vendosë një trupë prej 10 mijë rojesh në patrullimin e kufijve të saj tokësorë dhe detarë, si dhe do t’i trefishojë deri në 5 miliardë euro në vit shpenzimet për vënien në shënjestër të emigracionit brenda bllokut.
 
Ndërtimi i infrastrukturës së re në kufi, përfshirë skanera, sisteme automatike të njohjes së targave të automjeteve dhe laboratorë të lëvizshëm për analiza, do të jetë prioritet bashkë me patrullimet me qen të trajnuar. Duke publikuar planin e tij të shpenzimeve prej 34.9 miliardë dollarësh, për vitet 2021-2027, Komisioni Evropian insistoi sidoqoftë se nuk do të financonte vendosjen e rrethimeve në kufijtë e BE, siç është kërkuar nga kryeministri djathtist i Hungarisë, Viktor Orban.
 
KE, ndërkohë, do të nxjerrë para Gjykatës Evropiane të Drejtësisë Poloninë, Hungarinë dhe Republikën çeke, për faktin se ato nuk kanë respektuar sistemin e kuotave të detyrueshme që synonte të sistemonte rreth 120 mijë refugjatë sirianë. Hungaria nuk ka pritur asnjë refugjat që kur kuotat janë miratuar, Polonia nuk e ka bërë këtë që nga 2016,  Republika çeke në anën tjetër, nuk ka pranuar asnjë refugjat që nga gushti.

© ZHURNAL 13.06.2018, 19:25 | T.E. | 1,040 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."