ZHURNAL.MK ZHURNAL.KS ZHURNAL.AL

 

Lajme nga Maqedonia
Najçevska: Ivanov është i rrezikshëm për shtetin dhe qytetarët, punën e tij ta bëjë kryeparlamentari

Shkup, 13 qershor -  Profesoresha dhe aktivistja për të drejtat e njeriut, Mirjana Najçevska ka reaguar lidhur me sjelljen e presidentit, Gjorge Ivanov pasi që ai sot ka lëshuar takimin me kryeministrit Zoran Zaev dhe Ministrin e Jashtëm, Nikolla Dimitrov, të cilët shkuan në rezidencën e tij në Vodno për ta informuar rreth marrëveshjes së arritur me Greqinë, shkruan Zhurnal.

"Gjykata Kushtetuese të veprojë në bazë të nenit 82 nga Kushtetuta e Republikës së Maqedonisë, sipas të cilit në kushte të obstruksioneve të vazhdueshme dhe në kushte ku nuk mundet të ushtrojë funksionin për një kohë, deri në zgjedhjet e ardhëshme presidenciale, detyrën e presidentit ta ushtrojë kryetari i Kuvendit", ka shkruar Najçevska.

Përndryshe, neni 82 i Kushtetutës së Republikës së Maqedonisë thotë se: "kushtet për ndërprerjen e funksionit të Presidentit të Republikës përcaktohet nga Gjykata Kushtetuese e Republikës së Maqedonisë në mënyrë zyrtare "

Sipas saj, sëmundja mendore është baza për paaftësinë e përhershme për të kryer një funksion.

"Gjykata Kushtetuese duhet që ti shqyrtojë kushtet për fillimin e procedurës për marrjen e aftësisve të drejtimit, presidentit Gjorge Ivanov, për shkak të mungesës së manifestuar të shumëfishtë të kontaktit thelbësor me realitetin dhe pamundësinë për të dalluar të mirën nga e keqja. Qytetarët e Maqedonisë patjetër se duhet të jenë të mbrojtur nga sëmundjet serioze të presidenti Ivanov, dhe përgjegjësia për një mbrojtje të till është mbi Gjykatën Kushtetuese", thekson Mirjana Najçevska, profesoresh universitare dhe aktiviste për liri dhe të drejtat e njeriut, transmeton Zhurnal.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.06.2018, 14:45  | D.J. | 10,111 i lexuar

 

 

 

Dimitrov: Bisedimet për momentet kontestuese të historisë do të jenë të tensionuara, por presim rezultate

Sofje, 17 tetor  - Bisedimet mes Bullgarisë dhe Maqedonisë për momentet kontestuese nga historia e përbashkët do të jenë të tensionuara, por presim të arrijmë rezultate, ka deklaruar profesori Angel Dimitrov i cili është kryetar i palës bullgare të Komisionit të përbashkët të ekspertëve për çështje historike dhe arsimore me Maqedoninë.

"Puna do të jetë tensionuese dhe nuk do të zhvillohet shpejtë siç duam, por me pritje se do të arrijmë rezultate. Nuk ka pretendime të mëdha nga ana e kolegëve nga Shkupi, vërejtjet tona janë të shumëfishta, por ka të ndërtuara pozicione që në diskutimin shkencor nuk ndryshohen lehtë", ka thënë për fillimin e bisedimeve Dimitrov i cili është historian dhe ish ambasador i Bullgarisë në Shkup.

Komisioni ka filluar me shqyrtimin e librave për arsimin fillor.

"Këto libra e shqyrtojnë historinë nga antika deri në atë mesjetar. Vërejtjet tona ishin të koncentruar mbi mesjetën ku krijohet lidhja e shtetit bullgar me territorin gjeografik të Maqedonisë. Ndryshimi është kompleks, i kontrollova edhe librat për gjimnaz dhe për kohën e re do të kemi punë edhe më serioze", ka thënë Dimitrov në deklaratën për BTV.

Sipas tij, edhe krahas ndarjeve ka edhe tema për të cilat ka konsensus. Ai si shembull e ka paraqitur Marrëveshjen për fqinjësi të mirë mes Bullgarisë dhe Maqedonisë, që siç thotë, "veçmë ka dhënë rezultate".

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 17.10.2018, 11:35  | D.J. | 475 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.