ZHURNAL.MK ZHURNAL.KS ZHURNAL.AL

 

Lajme nga Maqedonia
Kondovë, nismë humanitare “Bëje sofrën e dikujt, ashtu siç e ke sofrën tënde”

“Është një iniciativë që për herë të parë është ndërmarrë në Kondovë nga ne në mënyrë shoqërore dhe rinia e Kondovës. Shpresojmë që të vazhdojë kjo si traditë tek ne, që çdo vit gjatë muajit të Ramazanit të ketë iniciativë për ndihmë ndaj të varfërve”, tha Ridvan Huneli

Shkup, 27 maj – “Bëje sofrën e dikujt, ashtu siç e ke sofrën tënde”. Kjo është thirrja që rinia e Kondovës ia bën bashkëfshatarëve të tyre. Me të hyrë në muajin e Ramazinit, ata kanë nisur të mbledhin para për t’iu ardhur në ndihmë familjeve skamnore. Për t’ia arritur qëllimit, në disa lokale të Kondovës, ata kanë vendosur kuti për grumbullimin e parave.

“Është një iniciativë që për herë të parë është ndërmarrë në Kondovë nga ne në mënyrë shoqërore dhe rinia e Kondovës. Shpresojmë që të vazhdojë kjo si traditë tek ne, që çdo vit gjatë muajit të Ramazanit të ketë iniciativë për ndihmë ndaj të varfërve”, tha Ridvan Huneli, nismëtar.

Mjetet që do të grumbullohen, do të shkojnë në dy ose tre familje në nevojë, tha Ridvani, duke na treguar se nisma e tyre është mirëpritur nga banorët e Kondovës, dorëdhënia e të cilëve nuk ka munguar. Drejtori i shkollës së fshatit na tha se gjendja e rëndë ekonomike e disa familjeve në këtë fshat, i ka nxitur të rinjtë e këtij vendi për të ndërmarrë një aksion të këtillë bamirësie.

“Është për t’u përshëndetur që rinia bën aktivitete dhe mendoj se kjo do të ketë sukses të madh. Shpresojmë që kjo të vazhdojë në të ardhmen, të mos ndalet, duke e ditur gjendjen dhe situatën e njerëzve në Komunën tonë, të cilët shumica janë në gjendje të varfërisë, pra të jemi edhe ne më afër me të varfërit”, u shpreh Mensur Jakupi, drejtor i shkollës në Kondovë.

Jakupi thotë se të tilla vepra janë të nevojshme dhe shpreson që kësoj lloj nismash të ndërmrren çdo vit. Kondova është fshat në rrethin e Shkupit dhë numërron rreth 3500 banorë.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 27.05.2018, 21:38  | T.E. | 1,062 i lexuar

 

 

 

Tortevski: Amnestia duhet të jetë gjithëpërfshirëse, në 10 vitet e fundit mos ketë hetime për kriminelët por edhe ato që sillen të ndershëm

Shkup, 16 tetor – Dreklarata e kryeministrit Zaev në parlament se duhet të fallen politikanët mes vetes përkundër atyre që ka ndodhur më 27 prill në parlament duket se ka ngritur shumë pluhur në opinion.

Avokati Aleksandar Tortevski ka shkruar se kjo amnesti që kryeministri e ka përmendur në parlament në një nga fjalimet e tij duhet të jetë gjithëpërfshirëse.

“Amnestia duhet të jetë gjithëpërfshirëse, të lirohen të gjithë të burgosurit, të ndalohen hetimet penale, të mos funksionojnë gjykatat, prokuroria publike dhe ajo special dhe mos harxhojmë para për ato, në 10 vitet e fundit mos ketë hetime mbi kriminalitetin që të mund të prekin pak edhe ato që janë ndier si të ndershëm deri më tani”, ka shkruar kështu Tortevski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 23:42  | T.E. | 5.910 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.