ZHURNAL.MK ZHURNAL.KS ZHURNAL.AL

 

Lajme nga Maqedonia
Pas gjashtë orë bisedime mbaron raundi i parë në Nju Jork, vazhdon nesër takim i ri dhe deklarata për media

Nju Jork, 24 maj - Pas gjashtë orë bisedime me dyer të mbyllura në selinë e KB-së në Nju Jork ka mbaruar takimi mes ministrave të jashtëm Dimitrov dhe Kocijas së bashku me negociatorin kryesorë Metju Nimic, bëjnë të ditur burime nga MPJ prej Nju Jorku shkruan Zhurnal.mk

Takimi do vazhdojë nesër paradite sipas kohës amerikane ose në ora 15.30 minuta sipas kohës tonë e pas mbarimit të takimit të dy ekipet do të japin deklarata për media lidhur me arritjet që kanë bërë.

Në kuadër të raundit të ri të bisedimeve në Nju Jork, Dimitrov dhe Kocijas kanë pasur takime të ndara me sekretarin gjeneral të Kombeve të Bashkuara Antonio Gutieres me të cilin kanë biseduar lidhur me tejkalimet e pengesave rreth emrit.

Takimi në Nju Jork vjen pas bisedimeve të javës së kaluar mes dy kryeministrave Zaev dhe Cipras në kuadër të margjinave të samitit të BE-së dhe Ballkanit Perendimorë në Sofje ku më pas Maqedonia doli me propozimin e emrit.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 24.05.2018, 23:18  | T.E. | 3,939 i lexuar

 

 

 

Çizhov: Unioni Euroaziatik si alternativë e Maqedonisë për BE dhe NATO

Bruksel, 17 tetor - "Unë mendoj se për grekët, ndoshta gabojë, nuk është aq i rëndësishëm emri sa është e rëndësishme gjithçka që ndërlidhet me të, mbi të gjitha, identiteti. Mund të jetë Veriore, E Epërme, E poshtme, çfarëdo, por ata menjëherë pyesin kush janë maqedonasit, dhe pse e mbajnë emrin e njëjtë si dhe pasardhësit e Aleksandrit të Madh, thotë ambasadori rus në BE, Vlladimir Çizhov në intervistën për mia.

Ambasadori konsideron se nga dy palët, nga qeveritë e dy fqinjëve, në ato vite ka pasur mungesë të vullnetit politik për zgjidhje të çështjes.

"Nëse ky kontest për emrin ishte zgjidhur, me të cilin mendoj se është pak artificiale... e dini se Federata ruse e pranoi Maqedoninë nën emrin e saj kushtetues që në vitin 1992, që nuk u pranua me shumë entuziazëm në një vend tjetër mike, në Greqi. Por megjithatë, ashtu që ka pasur raste për të zgjidhur këtë kontest. Më kujtohen vitet e 90-ta në Selanik, atëherë ishte një qytet me më shumë se 600 mijë banorë u organizuan protesta masive nga një milion e gjysmë me pishtarë, parada, gjithçka. Ajo ishte e çuditshme, por ishte edhe një element në çimentimin e ngërçit.

Ambasadori rus në BE në intervistë, jep pikëpamjen dhe mendimin e tij për referendumin në Maqedoni më 30 shtator, për Marrëveshjen e Prespës, ndërsa veçanërisht iu referua aspiratave të Maqedonisë për anëtarësim në BE dhe në NATO. Flet për mundësitë e lëshuara në çështjen për emrin në 25 vitet e fundit...

Sipas tij, për Maqedoninë më mirë është të anëtarësohet në Unionin Euroaziatik, "si organizatë më humane dhe më demokratike", se sa në NATO. Ai Aleancën e konsideron si një koncept i gabuar i shekullit të kaluar, i cili nuk ka arritur të transformohet.

Në intervistën ekskluzive për MIA-n, ambasadori Çizhov flet edhe për "gabimet të cilët sjellin pasoja" nga Marrëveshja e Prespës, por edhe për atë se i gjithë projekti duhet të përfundojë atje ku edhe filloi, para Këshillit për siguri i OKB-së, ku do të hapet diskutim ku Rusia do të shfaq qëndrimin e saj.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 17.10.2018, 12:18  | T.E. | 669 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.