ZHURNAL.MK ZHURNAL.KS ZHURNAL.AL

 

Lajme nga Maqedonia
Ivanov i priti guvernatoren e re dhe atë të deritanishëm të BPRM-së, Angellovska-Bezhoska dhe Bogov

Presidenti i Republikës së Maqedonisë, Gjoge Ivanov i priti Anita Angellovska-Bezhoska, guvernatore e Bankës Popullore të Republikës së Maqedonisë dhe Dimitar Bogov, guvernator i deritanishëm i BPRM-së.

Shkup, 24 maj  – Presidenti i Republikës së Maqedonisë, Gjoge Ivanov i priti Anita Angellovska-Bezhoska, guvernatore e Bankës Popullore të Republikës së Maqedonisë dhe Dimitar Bogov, guvernator i deritanishëm i BPRM-së.

Presidenti Ivanov, siç kumtoi sot Kabineti i tij, Angellovska-Bezhoskën e ka uruar për emërimin e si guvernatore e Bankës Popullore të Republikës së Maqedonisë, duke i dëshiruar sukses në punë.

“Udhëheqja e politikës monetare dhe puna e përgjithshme qendrore bankare në vendin tonë, në kontinuitet është vlerësuar pozitivisht në raportet e Komisionit Evropian për progresin e Maqedonisë. Duke e pasur parasysh biografinë tuaj profesionale dhe përvojën e deritanishme në punë, jam i bindur se do të vazhdojë kontinuiteti i punës pozitive dhe udhëheqjes së suksesshme të politikës monetare të Republikës së Maqedonisë”, tha presidenti Ivanov në takim.

Me këtë rast ai e falënderoi Bogovin për udhëheqjen e suksesshme të BPRM-së në shtatë vitet e kaluara, duke vlerësuar se angazhimin e tij ka dhënë kontribut të rëndësishëm në plotësimin e qëllimeve dhe detyrave të parashikuara të Bankës Popullore .

Guvernatorja Angellovska-Bezhoska e falënderoi presidentin Ivanov për besimin e dhënë dhe shprehu pritje se pas ndërmarrjes së funksionit nga Bogovi do të vazhdojë kontinuiteti i drejtimit me sukses dhe i funksionimit të Bankës Popullore të Republikës së Maqedonisë.

Në takim Bogov e falënderoi presidentin Ivanov për besimin e dhënë, mbështetjen dhe bashkëpunimin e suksesshëm në shtatë vitet e kaluara.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 24.05.2018, 16:01  | D.J. | 1,191 i lexuar

 

 

 

Prokuroria themelore ngriti aktakuzë për kërcënime ndaj një gazetari në rrjet social

Shkup, 17 tetor - Prokuroria Publike Themelore Shkup ka ngritur aktakuzë kundër një personi për vepër të kryer penale –Rrezikimi i sigurisë nga neni 144 paragrafi 4 nga Kodi Penal, gjegjësisht për kërcënim ndaj një gazetari në rrjet social.

"I pandehuri akuzohet se më 16.06.2017, nëpërmjet një sistemi informativ, ka kërcënuar se do të kryejë vepër penale për çka është caktuar dënim me burg prej pesë vitesh apo dënim më i rëndë. Kërcënimet janë publikuar në formë të komentit në profilin e tij në një rrjet social dhe janë drejtuar ndaj personit të dëmtuar – gazetar, me ç'rast i pandehuri ka bërë thirrje për likuidim fizik dhe ka rrezikuar sigurinë e gazetarit", njoftoi PPTH Shkup.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 17.10.2018, 12:25  | D.J. | 343 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.