ZHURNAL.MK ZHURNAL.KS ZHURNAL.AL

 

Medicina
Aspirina mund të parandalojë disa lloje të kancerit

Studimi i madh për një prej ilaçeve më të njohura është kryer nga shkencëtarët kinezë nga Universiteti i Hong Kongut. Sipas zbulimeve të tyre, përdorimi afatgjatë i aspirinës e zvogëlon rrezikun e shumë llojeve të kancerit. Në studim, ekspertët i kanë përcjellë më shum

Studimi i madh për një prej ilaçeve më të njohura është kryer nga shkencëtarët kinezë nga Universiteti i Hong Kongut. Sipas zbulimeve të tyre, përdorimi afatgjatë i aspirinës e zvogëlon rrezikun e shumë llojeve të kancerit.

 

Në studim, ekspertët i kanë përcjellë më shumë se 600.000 persona për t’i studiuar marrëdhëniet mes aspirinës dhe kancerit. Tek personat që kishin marrë nga një aspirinë çdo ditë për shtatë vjet, gjasat e shfaqjes së kancerit të mëlçisë ose ezofagut ishin më të vogla për 48%, ndërsa rreziku i shfaqjes së kancerit të lukthit ishte 38% më i ulët.

 

Shfaqja e kancerit të pankreasit u zvogëlua për 34%, ndërsa e kancerit të zorrës së trashë për 24%. "Rezultatet tregojnë se marrja afatgjatë e aspirinës mund ta zvogëlojë rrezikun e zhvillimit të shumë llojeve të kancerit. E kemi vërejtur një ndikim të madh të aspirinës në parandalimin e zhvillimit të kancerit në traktin e tretjes. Është zvogëluar paraqitja e kancerit të mëlçisë dhe ezofagut dhe atë në masë të madhe", tha prof. Kelvin Tsoi.

 

Shkencëtarët, gjithashtu, studiuan se sa efekt ka marrja afatgjatë e aspirinës në reduktimin e formave të tjera të kancerit, siç është kanceri i gjirit, veshkave dhe fshikëzës, por zbuluan se aspirina nuk ka efekt në to. Megjithatë, aspirina e ulë paraqitjen e kancerit të mushkërive për 35%, leukemisë për 24% dhe prostatës për 14%, transmeton koha.net.

 

Aspirina përbëhet nga acidi acetilsalicilik dhe përdoret për shumë probleme shëndetësore. Për shembull, ndihmon në parandalimin e sulmit në zemër dhe goditjes në tru. Në një studim të kohëve të fundit, është vërejtur se tek pacientët që e kanë ndërprerë marrjen e aspirinës ka ardhur deri tek sulmi i përsëritur në zemër ose goditja në tru, ndërsa tek ata që vazhduan ta përdorin atë, paraqitja e tyre u zvogëlua dukshëm. Megjithëse aspirina ka shumë përfitime, shumë mjekë nuk dëshirojnë t’ua përshkruajnë atë pacientëve të tyre për përdorim afatgjatë, sepse përdorimi i rregullt i aspirinës mund të shkaktojë gjakderdhje në zorrë.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 24.05.2018, 14:34  | Z.H. | 1,106 i lexuar

 

 

 

Vazhdojnë ditët me diell

Shkup, 17 tetor - Instituti Hidrometeorologjik njofton se moti në vend vazhdon të jetë i ngjashëm edhe ditën e nesërme.

“Temperaturat minimale do të lëvizin ndërmjet 4-5 gradë Celsius, ndërsa maksimalet e ditës parashihet të lëvizin ndërmjet 22-23 gradë Celsius. Shtypja atmosferike mbetet mbi vlerat e normales. Do të fryjë erë e lehtë deri mesatare nga drejtimet e ndryshme kryesisht në pjesën e dytë të ditë”, thuhet në njoftimin e tyre.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 17.10.2018, 23:24  | Z.H. | 5.786 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.