ZHURNAL.MK ZHURNAL.KS ZHURNAL.AL

 

Lajme nga Maqedonia
Numri i armëve që kanë shqiptarët

Greqia është vendi me numrin më të ulët të armëve të regjistruara, ku për çdo 100 banorë 0.03 kanë armë zjarri të regjistruar. Më pas renditet Rumania me 0.27, Danimarka me 0.39, Hungaria me 0.83 dhe Polonia me 0.89

Shkup, 21 maj - Gjatë 2017-s, në çdo pesë ditë në Shqipëri ka ndodhur një vrasje. Shifrat janë edhe më alarmante nëse do të llogarisim edhe tentativat për vrasje. Bazuar mbi statistikat e INSTAT, në vitin që lamë pas, çdo dy ditë u regjistrua një vrasje ose tentativë për vrasje në vend.

Që prej vitit famëkeq 1997, kur popullsia u armatos (deri në 650 mijë armë u shpërndanë tek civilët sipas një raporti të OKB), herë pas here janë kryer fushata për grumbullimin e armëve pa leje ne vend.

Megjithatë, sipas të dhënave të publikuara nga “gunpolicy.org”, Shqipëria ka numrin më të ulët të armëve të zjarrit të regjistruara në rajon për 100 banorë, me rreth 2.1 armë për çdo 100 persona, shkruan ‘Monitor’.

Numrin më të lartë të armëve të regjistruara për 100 banorë në të gjithë Evropën e ka Mali i Zi. Sipas të dhënave të “gunpolicy.org” dhe të përpunuara nga InfoData, në çdo 100 banorë në Malin e Zi, 15.2 posedojnë një armë zjarri, përcjell albinfo.ch.

Vendet që kanë numër të lartë armësh të regjistruara janë ish-vendet e Federatës Jugosllave, si Mali i Zi me 15.2, Serbia me 12.1, Kroacia dhe Maqedonia me përkatësisht 8 dhe 7.5 armë zjarr të regjistruara për 100 banorë. Edhe vendet e Evropës Jugore si Portugalia, Italia dhe Spanja sipas të dhënave të marra nga gunpolicy.org, renditen ndër vendet me numër të lartë armësh të regjistruara. Në Portugali, për çdo 100 banorë, 13 janë të pajisur me armë zjarri. Në Itali, raporti është thuajse 12 persona për çdo 100 banorë. Në Spanjë, numri i të armatosurve për 100 mijë banorë është 6.2, edhe pse më i ulët se fqinjët portugezë, përsëri është mbi mesataren europiane. Në të gjithë Evropën, për çdo 100 banorë, 5 kanë armë zjarri të regjistruar.

Vendet nordike kanë gjithashtu numër të lartë personash, të cilët kanë një armë të regjistruar. Sipas të dhënave për çdo 100 banorë 12.6 kanë një armë në Finlandë, duke u renditur si shteti i dytë me numrin më të lartë të njerëzve që posedojnë një armë me leje. Më pas renditet Norvegjia me 9.7 persona për 100 banorë, ndërsa Suedia numëron 6.5 për çdo 100 banorë.

Greqia është vendi me numrin më të ulët të armëve të regjistruara, ku për çdo 100 banorë 0.03 kanë armë zjarri të regjistruar. Më pas renditet Rumania me 0.27, Danimarka me 0.39, Hungaria me 0.83 dhe Polonia me 0.89.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.05.2018, 20:49  | T.E. | 3,181 i lexuar

 

 

 

Tortevski: Amnestia duhet të jetë gjithëpërfshirëse, në 10 vitet e fundit mos ketë hetime për kriminelët por edhe ato që sillen të ndershëm

Shkup, 16 tetor – Dreklarata e kryeministrit Zaev në parlament se duhet të fallen politikanët mes vetes përkundër atyre që ka ndodhur më 27 prill në parlament duket se ka ngritur shumë pluhur në opinion.

Avokati Aleksandar Tortevski ka shkruar se kjo amnesti që kryeministri e ka përmendur në parlament në një nga fjalimet e tij duhet të jetë gjithëpërfshirëse.

“Amnestia duhet të jetë gjithëpërfshirëse, të lirohen të gjithë të burgosurit, të ndalohen hetimet penale, të mos funksionojnë gjykatat, prokuroria publike dhe ajo special dhe mos harxhojmë para për ato, në 10 vitet e fundit mos ketë hetime mbi kriminalitetin që të mund të prekin pak edhe ato që janë ndier si të ndershëm deri më tani”, ka shkruar kështu Tortevski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 23:42  | T.E. | 5.725 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.