Në "finalen" e zgjidhjes së emrit, Greqia tregohet jo serioze
maqedonia
Në "finalen" e zgjidhjes së emrit, Greqia tregohet jo serioze

Në "finalen" e zgjidhjes së emrit, Greqia tregohet jo serioze

Shkup, 21 maj - Analistët politik nuk presin shumë nga takimi në Nju Jork të ejtën mes shefave të diplomacisë maqedonase dhe asaj greke me ndërmjetësuesin Nimic.

Optimizmi se shumë shpejt do të mbyllet kjo çështje po shuhet sidomos pas refuzimit që Greqia ia bëri propozimit "Republika Ilinditase e Maqedonisë".

Analisti politik Xhelal Neziri thotë se ajo që Greqia e refuzoi propozimin nuk e përkeqësoi pozitën e  palës maqedonase por përkundrazi e forcoi.

"Grekët kërkuan erga omnes dhe faktikisht refuzuan, por për zgjidhje që supozohej se është e pranueshme për qytetarët e Republikës së Maqedonisë dhe me këtë Maqedonia tregoi seriozitet në raport me qasjen që përfundimisht të zgjidhet kontesti. Nga ana tjetër siç u bë me dije për këtë propozim ishte i pro edhe kryeministri grek, Cipras, dhe pas gjithë kësaj reteron dhe refuzon si zgjidhje, mendoj se kjo është shumë joserioze nga pala greke për këto bisedime të ndjeshme", deklaroi Neziri.

© ZHURNAL 21.05.2018, 16:08 | Xh.I. | 2,173 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."