Hauai, shpërthimi i vullkanit Kilauea lëshon re toksike
bota
Hauai, shpërthimi i vullkanit Kilauea lëshon re toksike

Hauai, shpërthimi i vullkanit Kilauea lëshon re toksike

Tashmë është dhënë alarmi për ndotje mjedisore pasi në qiell janë lëshuar re toksike. Ndërsa ka ardhur dhe i plagosuri i parë nga shpërthimi i vullkanit.
 
Shtëllunga tymi të bardha toksike të shkaktuar nga llava e vullkanit Kilauea që derdhet në oqean mbulojnë qiellin e Hauait. Retë konsiderohen toksike për shkak të reagimit kimik ndaj kontaktit të llavës me ujë të kripur, i cili liron acidin klorhidrik dhe grimcat e vogla të qelqit në ajër. Prandaj, autoritetet kanë këshilluar popullsinë të largohet nga ky kërcënim i ri.
 
Në mal, ndërkohë, lumenjtë e llavës vazhdojnë të dalin nga të çarat e vullkanit të formuara në javët e fundit dhe kanë shkatërruar një lagje banimi të ishullit: sipas ekspertëve, emetimet e gazit të dioksidit të squfurit në këtë zonë janë trefishuar, duke përkeqësuar më tej cilësinë e ajrit, ndërsa në majë të vullkanit dy shpërthime të mëtejshme kanë lëshuar shumë hi në atmosphere.
 
Përveç dëmeve të shumta material, Vullkani Kilauea ka prekur dhe banorët. Të dielën u regjistrua i plagosuri i parë, një person është goditur nga llava, e cila i ka djegur në një gradë të rëndë këmbën. /abcnews.al

© ZHURNAL 21.05.2018, 14:36 | Xh.I. | 1,077 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."