Bogov tërhiqet nga kandidatura për guvernator të BPRM-së
maqedonia
Bogov tërhiqet nga kandidatura për guvernator të BPRM-së

Bogov tërhiqet nga kandidatura për guvernator të BPRM-së

Shkup, 16 maj - Dimitar Bogov është terhequr nga kandidatura për guvernator të Bankës Popullore të Republikës së Maqedonisë (BPRM) dhe për këtë e ka informuar edhe presidentin e shtetit, Gjorge Ivanov, i cili e propozoj për një mandat të ri, informon Zhurnal.

Në deklaratën me shkrim, Bogov thekson se me vëmendjen më të madhe e përcjell debatin në opinion lidhur me propozimin që për herë të dytë të emërohet guvernator i Bankës Popullore të Republikës së Maqedonisë dhe se vendimin për tërheqje e ka marrë duke u bazuar në reagimet e një pjesë të opinionit dhe koluarave politike dhe afateve për zgjidhjen e guvernatorit.

"në këtë drejtim dua që ta faleminderojë Presidentin e Republikës së Maqedonisë, prof.dr. Gjorge Ivanov për besimin e dhënë me propozimin e tij që për herë të dytë të jem kandidat për guvernator, që për mua personalisht paraqet mirënjohje për punën e deritanishme. Duke i pasur parasysh reagimet e një pjese të opinionit dhe një pjese të koluarave politike në Republikën e Maqedonisë, në inters të shtetit po tërhiqem nga kandidatura për guvernatorë të Bankës Popullore të Republikës së Maqedonisë",  thekson Bogov.

© ZHURNAL 16.05.2018, 13:36 | D.J. | 1,660 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."