ZHURNAL.MK ZHURNAL.KS ZHURNAL.AL

 

Sport
“Doja të takoja Schumin, por familja e tij nuk më lejoi”

Rubens Barrichello ka zhvilluar 323 Çmime të Mëdha në Formula 1, 104 prej të cilave si shok skuadre i Michael Schumacher te Ferrari.

schu_1524475745-7576207.jpg

Rubens Barrichello ka zhvilluar 323 Çmime të Mëdha në Formula 1, 104 prej të cilave si shok skuadre i Michael Schumacher te Ferrari.

Në një emision televiziv brazilian, ish-piloti u pyet për gjendjen shëndetësore të gjermanit dhe nëse e kishte vizituar atë.

Barrichello u tregua i sinqertë, duke thënë se fatkeqësisht nuk ka vend për optimizëm dhe shtoi se nuk është lejuar që ta vizitojë ish-shokun e ekipit.

“Po mundohem të gjej mënyrën që të shkoj ta shikoj. Herën e parë që doja ta takoja, nuk më lejoi familja e tij. Më thanë që nuk do ishte mirë as për mua, as për vetë atë. Unë e respektoj vullnetin e tyre”, deklaroi Rubens Barrichello.

7 herë kampioni i botës, më 91 fitore, 155 podiume dhe 68 pole position të regjistruar në karrierën e tij vazhdon të luftë të heshtur me jetën, teksa qëndron në koma që nga 29 dhjetori i vitit 2013.

Michael Schumacher u aksidentua teksa ishte duke bërë ski në Meribel dhe që nga ajo kohë nuk ka asnjë shenjë rreth gjendjes së tij shëndetësore. Familjarët e tij kanë preferuar të ruajnë të fshehtë gjithçka, ndërsa ai qëndron në një laborator mjekësor të ndërtuar në shtëpinë e tij në Zvicër.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 23.04.2018, 11:45  | Xh.I. | 880 i lexuar

 

 

 

Prokuroria themelore ngriti aktakuzë për kërcënime ndaj një gazetari në rrjet social

Shkup, 17 tetor - Prokuroria Publike Themelore Shkup ka ngritur aktakuzë kundër një personi për vepër të kryer penale –Rrezikimi i sigurisë nga neni 144 paragrafi 4 nga Kodi Penal, gjegjësisht për kërcënim ndaj një gazetari në rrjet social.

"I pandehuri akuzohet se më 16.06.2017, nëpërmjet një sistemi informativ, ka kërcënuar se do të kryejë vepër penale për çka është caktuar dënim me burg prej pesë vitesh apo dënim më i rëndë. Kërcënimet janë publikuar në formë të komentit në profilin e tij në një rrjet social dhe janë drejtuar ndaj personit të dëmtuar – gazetar, me ç'rast i pandehuri ka bërë thirrje për likuidim fizik dhe ka rrezikuar sigurinë e gazetarit", njoftoi PPTH Shkup.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 17.10.2018, 12:25  | Xh.I. | 112 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.