Basha publikon pamjet e arrestimit të kuksianëve
shqiperia
Basha publikon pamjet e arrestimit të kuksianëve

Basha publikon pamjet e arrestimit të kuksianëve

Tiranë, 16 prill - Teksa Edi Paloka i paraqiti pamjet e arrestimit të kuksianëve në deklaratën për median, ku u shpreh se nuk do të ketë qetësi për Edi Ramën derisa të lirohen, kreu i PD-së Lulzim Basha i ka postuar këto pamje në profilin e tij në Facebook, ku tha se kjo është thirrje “për një reagim popullor kundër padrejtësisë”.

“Ky krim shtetëror tregon qartë se në Shqipëri është instaluar një polici dhe prokurori politike dhe ekstraligjore, e cila shkel dhe dhunon të drejtat kushtetuese të qytetarëve shqiptarë sepse është vënë në shërbim të regjimit të Edi Ramës. Misioni i këtyre institucioneve të kapura nuk është lufta kundër krimit dhe korrupsionit, por lufta kundër çdokujt që rrezikon apo kundërshton regjimin e Edi Ramës”, shkruan Basha.

© ZHURNAL 16.04.2018, 15:53 | Xh.I. | 528 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."