Hamsik: Duhet të besojmë në titull deri sa matematikisht është i mundur
sport
Hamsik: Duhet të besojmë në titull deri sa matematikisht është i mundur

Hamsik: Duhet të besojmë në titull deri sa matematikisht është i mundur

Marek Hamsik e pranon se Juventusi tashmë ka një diferencë të madhe pikësh, por ata duhet të vazhdojnë të besojnë për titull.

Zonja e Vjetër ka aktualisht gjashtë pikë më shumë se Napoli, ndërsa deri në fund të kampionatit janë edhe gjashtë xhiro.

“Diferenca mes nesh dhe Juves po bëhet e madhe, por ne duhet të vazhdojmë të besojmë deri sa matematikisht është i mundur”.

“Barazimi ndaj Milanit na lë shije të hidhur, posaçërisht kur shikon sa shumë shanse kishim në krahasim me Rossonerët”.

“Tani duhet të mendojmë për ndeshjen e ardhshme ndaj Udineses. Duhet të harrojmë se çfarë ndodhi në San Siro dhe të fokusohemi në objektivin tonë të radhës”.

“Gjithashtu dua të falënderoj gjithë tifozët e Napolit për përkrahjen në San Siro”, ka shtuar Hamsik.

Sllovaku këtë sezon me Napolin ka shënuar gjashtë gola dhe ka dhuruar tri asisime në 43 paraqitje në të gjitha garat. /Telegrafi/

© ZHURNAL 16.04.2018, 14:15 | Xh.I. | 1,283 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."