Mos i hidhni lëkurat e portokallit
medicina
Mos i hidhni lëkurat e portokallit

Mos i hidhni lëkurat e portokallit

Është treguar që lëvorja e portokallit ka shumë efekte në përmirësimin e shëndetit sesa edhe vetë fryti i kësaj peme.

 

Përmban shumë kalcium, madje dyfish më shumë sesa bërthama dhe kështu forcon eshtrat.

 

Gjithashtu, për shkak të përmbajtjes së lartë të flavonoideve, lëvorja e kësaj peme mediterane rregullon shtypjen e gjakut dhe ul kolesterinën.

 

Lëvorja e portokallit përmban 60 lloje të flavonoideve dhe më shumë se 170 lloje të fitonutricientëve, përpos që është e pasur me vitamina, pektina, minerale dhe fibra.

 

Gjithashtu, për shkak të antioksidanseve të përmendura, është shumë e dobishme në rastet e preventivës, pra edhe të shërimit të kancerit.

 

Studimet tregojnë se lëvorja e portokallit mund të ndihmojë në kontrollin më të mirë të oreksit, si dhe ndihmon në parandalimin e grumbullimit të indit yndyror.

 

Është e pasur me vitaminën C, është konstatuar që lëvorja e portokallit është një ndër artikujt më të shëndetshëm të cilin deri tani e kemi injoruar.

 

Lëvorja e portokallit është burim për pektinë dhe taninë, shkruan syri.net. Këta përbërës marrin pjesë në parandalimin e kapsllëkut dhe lehtësojnë depërtimin e ushqimit përmes sistemit të tretjes.

 

Nëse ju vjen era e keqe nga goja, përtypni lëvore të portokallit në vend të çamçakëzit, ku era e keqe do t’iu largohet si me dorë.

 

Meqenëse shija nuk është e ëmbël sa edhe vetë fryti, mund ta përdorni të grirë në rende për sallata, madje është i mirë edhe të përgatitet si çaj.

 

Konsumimi me shtesa apo ngrënia vetëm e lëvores organike, i bëni organizmit tuaj një favor të madh.

© ZHURNAL 16.04.2018, 13:39 | Z.H. | 1,670 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."