BDI: Dorëheqja vullnetare e Ministrit Saliu, porosi për përgjegjësi të të gjithëve
maqedonia
BDI: Dorëheqja vullnetare e Ministrit Saliu, porosi për përgjegjësi të të gjithëve

BDI: Dorëheqja vullnetare e Ministrit Saliu, porosi për përgjegjësi të të gjithëve

Shkup, 22 mars - Kryesia e Bashkimit Demokratik për Integrim ka vazhduar mbledhjen e kryesisë së filluar më 16 mars 2018 ku po diskutohet rreth realizimit të programit si dhe ndërtimit të strategjisë për BDInë në dy dekadat para nesh.
 
 
Në fillim të mbledhjes, Kryesia njëzëri përshëndeti aktin e dorëheqjes së Ministrit të Drejtësisë z. Bilen Saliu si veprim i lartë moral dhe porosi e përgjegjësisë së lartë njerëzore dhe politike.
 
 
Ky veprim i Ministrit Saliu duhet të shërbej si porosi deri tek të gjithë bartësit e funksioneve publike, në veçanti përgjegjësit për sundimin e së drejtës.
 
 
Kjo dorëheqje jehon porosinë që drejtësi selektive nuk guxon të ketë dhe të gjithë bartim përgjegjësi për besimin e qytetarëve ndaj institucioneve të vendit.
 
 
Kryesia e BDI falënderoi Ministrin Saliu për kontributin e dhënë në funksionin e Ministrit të Drejtësisë dhe vlerësoi se ky standard i lartë i përgjegjësisë individuale po vendos standarde të reja në politikbërje.

© ZHURNAL 22.03.2018, 16:20 | D.J. | 1,519 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."