ZHURNAL.MK ZHURNAL.KS ZHURNAL.AL

 

Auto
Volkswagen Golfi i ri benzinë shpenzon sa një dizel

Volkswagen pohon se versioni i ri Golf, modeli 1.5 TSI ACT Bluemotion është ekonomik sa i përgjigjet edhe Golfit me motor dizel dhe përveç kësaj, ai kushton edhe më lirë. Automobili është i pajisur me katër cilindra 1.5 litra turbo benzinë me 130 kuaj fuqi, i prezantua

auto_vw1521557374.jpg

Volkswagen pohon se versioni i ri Golf, modeli 1.5 TSI ACT Bluemotion është ekonomik sa i përgjigjet edhe Golfit me motor dizel dhe përveç kësaj, ai kushton edhe më lirë.

 

Automobili është i pajisur me katër cilindra 1.5 litra turbo benzinë me 130 kuaj fuqi, i prezantuar në vitin 2017.

 

Motori është i pajisur me Active Cylinder Technology, e cila mundëson çaktivizimin e dy nga katër cilindrat gjatë vozitjes, me çka zvogëlohen shpenzimet e karburantit.

 

Po ashtu, motori i ri ka opsionin “eco-coasting”, i cili mundëson që në mënyrë automatike përkohësisht të lëshohet në vozitje gjatë shpejtësive deri në 130 km në orë, transmeton ksp. Derisa motori është në funksion, të gjitha sistemet elektrike në automjet vazhdojnë që të funksionojnë në mënyrë normale, duke iu falënderuar baterisë shtesë litium-jon, e cila siguron energjinë për mbushje.

 

Volkswagen pohon se duke iu falënderuar “eco-coasting” mund të kursehen 0,4 l/100 km.

 

Sipas të dhënave të fabrikës, VW Golf 1.5 TSI ACT Bluemotion me ndërrues manual të shpejtësive DSG në regjim të kombinuar mesatarisht shpenzon 4,8 l/100 km, dhe në rrugë të hapur 4,0 l/100 km. Volkswagen këtë lloj motori do ta ketë në disa modele dhe në Evropë do të jetë në variantet hatchback dhe karavan.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 21.3.2018, 09:25  | Z.H. | 10,956 i lexuar

 

 

 

Konfirmohet mbështetja nga Mbretëria e Bashkuar për Marrëveshjen e Prespës

Shkup, 22 tetor - Ambasadorja britanike Rejçel Gallouej në takimin e sotëm me kryeministrin Zoran Zaev, e përshëndeti vendimin e Kuvendit të Maqedonisë në mbështetje të Marrëveshjes së Prespës, duke e vlerësuar si një hap të rëndësishëm përpara në integrimet euroatlantike të Republikës së Maqedonisë.

Siç kumtoi pres qendra qeveritare, të dy gjatë takimit kanë konstatuar se shumica prej dy të tretave në Kuvend për Propozimin për ndryshimet kushtetuese dëshmoi se është e mundur që deputetët e pozitës dhe të opozitës të punojnë së bashku kur bëhet fjalë për çështje kyçe për qytetarët dhe për shtetin, siç janë integrimet dhe reformat. Bashkëbiseduesit kanë shprehur mbështetje për të përforcuar konsensusin në Kuvend për çështje me interes shtetëror.

“Do të vazhdojmë në një atmosferë pozitive, nëpërmjet konstruktivitetit dhe përfshirjes, me deputetët në Kuvend, të punojmë në projekt amendamentet kushtetuese. Vërejtjet e deputetëve të opozitës të cilët dhanë mbështetje në procesin e integrimit euroatlantik të Maqedonisë, në lidhje me përmbajtjen e amendamenteve, janë në frymën e Marrëveshjes së Prespës”, tha kryeministri Zaev, qëndron në kumtesë.

Kryetari i Qeverisë, Zoran Zaev, shtohet, në lidhje me reformat ka njoftuar se fokusi është në fazën e dytë të reformave gjyqësore, ligjet kundër korrupsionit, reformat në DZK, në administratën publike.

Ambasadorja Gallouej njoftoi se Mbretëria e Bashkuar në mënyrë aktive e ndjek situatën politike në Maqedoni dhe se jep mbështetje parimore për pajtim, që është e rëndësishme për integrimin e Maqedonisë, dhe me atë edhe për stabilitetin e gjithë rajonit, qëndron në kumtesë.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 22.10.2018, 16:19  | Z.H. | 3.014 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.