FLET KRYEPROKURORJA SPECIALE Janeva: Do tregojmë se të akuzuarit në rastin 'Regjistrimi' kanë dëmtuar buxhetin
maqedonia
Flet kryeprokurorja speciale Janeva: Do tregojmë se të akuzuarit në rastin 'Regjistrimi' kanë dëmtuar buxhetin

Flet kryeprokurorja speciale Janeva: Do tregojmë se të akuzuarit në rastin 'Regjistrimi' kanë dëmtuar buxhetin

Shkup, 21 mars - Nëse ngrisim padi do tregojmë se të akuzuarit në rastin 'Regjistrimi' kanë kryer vepër penale duke e dëmtuar kështu buxhetin e shtetit për tre milion euro ka deklaruar kështu në intervistë për '24 analiza' kryeprokurorja speciale Katica Janeva.

Janeva ka thënë se nuk janë kërkuar masa kundër Ahmetit dhe Gruevskit, për secilin të akuzuar vecmas do të vendoset për masën e kërkuar.

"Në këtë fazë mendoj se e mjaftueshme është që të jenë nën hetime", ka thënë kryeprokurorja.

Xhirimet e para për regjistrimin janë gjendur diku në fund të 2016 dhe janë sjellur në këtë periudhë.

"Me mbledhjen e të gjithë materialeve sot edhe zyrtarisht e kemi hapur hetimin, procedura ka të bëj me mbledhjen e të gjithë dëshmive e ku kemi dhënë afat mbrojtjes që në afat prej 15 dite të kërkojë që të hetohet edhe ndonjë pjesë e më pas të bëhet padia", ka thënë Janeva.

Ajo ka thënë se po hetohet edhe për rastin e Nikola Mladenov dhe për tokën e Subrata Roj, për funksionarët dhe se janë duke analizuar edhe shumë biseda të përgjuara.

© ZHURNAL 21.03.2018, 22:02 | T.E. | 3,520 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."