Festivali folklorik ndërkombëtar "SKUPI" 2018, këtë vit me organizim dhe mysafirë special
kulture
Festivali folklorik ndërkombëtar "SKUPI" 2018, këtë vit me organizim dhe mysafirë special

Festivali folklorik ndërkombëtar "SKUPI" 2018, këtë vit me organizim dhe mysafirë special

Shkup, 19 mars - Festivali Folklorik Ndërkombëtarë “SKUPI” organizohet që dymbëdhjetë vite rradhazi nga Ansambli i këngëve dhe valleve “Karshiaka” nga Shkupi. Edicioni i XII i këtijë festivali do të mbahet në gusht të këtijë viti nga data 27 deri më datë 31 gusht.

Festivali Folklorik Ndërkombëtarë “SKUPI” shërben në ruajtjen dhe përhapjen e traditave të trashëgimisë kulturore dhe shpirtërore, ca më tepër ky Festival vjen edhe në mbështetje të drejtpërdrejtë të turizmit si një aktivitet i mirëfilltë i turizmit kulturor si dhe për prioritet themelor posedon qëllimin që qytetarëve të ju ofron një manifestim ku gërshetohen kulturat e vendeve pjesmarrëse nga e gjithë bota.

Festivali do të drejtohet nga një Staf i gjerë organizativ me personalitete të shquar të kulturës dhe njerëz të apasionuar të artit.

Drejtor i Përgjithshëm i Festivalit është Burhanedin Saliu, kordinator Amir Mamuti ndërsa Drejtor Artistik Nadire Ismaili Saliu. Pjesë e komitetit organizativ janë Lulzim Selmani, Emin Salihu, Alejdin Ibrahimi, Besnik Ramadani dhe të tjerë.

Grupet e ftuar që e kanë konfirmuar pjesmarrjen në edicionin e XII të Festivalit Folklorik Ndërkombëtarë SKUPI 2018 janë ansambli “DESDE EL ALMA” nga ARGJENTINA më pas ansambli “PENHAD” nga TURQIA, ansambli “VESELKA” nga UKRAINA ansambli “MEXICO ARTE Y TRADICION” nga MEKSIKA ansambli “SIDER VOIVODA” nga BULGARIA, ansambli “LIDHJA E PRIZRENIT” nga KOSOVA si dhe ansambli nga QIPROJA.

Drejtori Burhanedin Saliu ka potencuar që interesimi është tejet i madh nga Ansamblet Botërore që për vitin 2019 pjesmarrjen e kanë konfirmuar vendet si Peru, Chile, India ... andaj besojmë që përkrahja e qytetarëve këtë vitë do të jetë më e madhe. Njëherit falem nderojmë Ministrinë e Kultruës respektivisht Sekretarin Aziri për mbështetjen e këtij projekti madhështorë si dhe instirucionet e tjera dhe komunat që kanë treguar gadishmëri të ndihmonjë këtë Festival.

© ZHURNAL 19.03.2018, 23:09 | T.E. | 3,820 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."