Talenti i Kanitës po sheh dritë jeshile edhe nga popujt e huaj
showbiz
Talenti i Kanitës po sheh dritë jeshile edhe nga popujt e huaj

Talenti i Kanitës po sheh dritë jeshile edhe nga popujt e huaj

Thuhet se rrethi ku lindesh dhe zhvillohesh, ndikon në talentin dhe kapacitetin e individit, e në të vërtetë ashtu është. Kjo thënie i rri më tepër se kujtdo artistes sonë shkupjane, këngëtares Kanita Suma. Për fatin e saj të mirë, muzikën e trashëgoi nga familja, gjë e cila i ndihmoi talentit të saj, të promovohet në hapa të sigurtë. Fillimisht u prezantua para jurisë së “X Factor Albania 2012”, ku ra në sy si një artiste që premtonte cilësi, e fill pas kësaj vijoi videoklipi i saj i parë “Ëndrra ime”. U punuan disa projekte cilësore, për t’i hapur shteg bashkëpunimit të frytshëm me artisten e mirënjohur Leonora Poloska të titulluar “Digjem për ty”, pastaj “Falje s’ka” u punua në bashkëpunim me këngëtarin Daim Lala, ndërsa sukseset e kësaj artisteje 16 vjeçare e morën përpjetën në momentin kur menaxhimin e saj e mori përsipër moderatori “mjeshtër” Arian Demolli. "Don't let me go" ishte kënga që bëri bujë të madhe në shtete të ndryshme të Evropës. Së fundmi, Kanita punoi videoklipin e ri “They sad”, i liçensuar nga kompania greke “314 records”, e siç vërehet, talenti dhe puna e parreshtur e Kanitës po i zgjerojnë kufinjtë e jehonës së këngëve të saj. /Arsim Kolari/

© ZHURNAL 18.03.2018, 10:12 | T.E. | 1,642 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."