OKB: Facebook, bishë racizmi në Mianmar
bota
OKB: Facebook, bishë racizmi në Mianmar

OKB: Facebook, bishë racizmi në Mianmar

Hetuesit e Kombeve të Bashkuara akuzuan rrjetin social Facebook për “rol vendimtar” në nxitjen e urrejtjes ndaj myslimanëve Rohingya në Mianmar. Një nga pjesëtarët e ekipit që po heton aktet e mundshme të gjenocidit tha se Facebook është “shndërruar në bishë”. Rreth 700,000 myslimanë Rohingya kanë ikur në Bangladesh prejse ushtria e Mianmarit ka nisur një operacion kundër militantëve Rohingya në shtetin Rakhine, në muajin gusht, shkruan Rel.

Misioni Faktmbledhës i OKB-së në Mianmar tha se Facebook “ka kontribuar substancialisht në nivelin e armiqësisë te publiku i gjerë kundër myslimanëve Rohingya”. “Gjuha e urrejtjes sigurisht që është pjesë e kësaj”, tha kreu i misionit të OKB-së, Marzuki Darusman. Facebook, në reagim, tha se nuk ka “vend për gjuhë të urrejtjes” në këtë platformë.

© ZHURNAL 13.03.2018, 20:34 | T.E. | 827 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."