Haradinaj: Krijimi i ushtrisë nuk e ndryshon balancën e sigurisë në rajon
kosova
Haradinaj: Krijimi i ushtrisë nuk e ndryshon balancën e sigurisë në rajon

Haradinaj: Krijimi i ushtrisë nuk e ndryshon balancën e sigurisë në rajon

Prishtinë, 13 mars - Kryeministri i Kosovës, Ramush Haradinaj, priti të martën në takim zëvendëskryeministrin dhe ministrin e Jashtëm të Sllovenisë, Karl Erjavec.

Sipas njoftimit të Zyrës së Kryeministrit të Kosovës, Haradinaj tha se “ekziston një klimë e mirë mes Kosovës dhe Sllovenisë për bashkëpunim në shumë fusha”, transmeton REL.

“Sllovenia është një ndër investitorët më të mëdhenj në vend dhe Kosova është e interesuar që ta vazhdojë këtë partneritet ekonomik”, tha Haradinaj, duke kërkuar vazhdimin e përkrahjes së Sllovenisë në planin ndërkombëtar.

“Përkrahja juaj për njohjet e reja, anëtarësimin në INTERPOL, UNESCO, në procesin e integrimit euroatlantik ka domethënie të madhe për ne”, tha Haradinaj.

Me këtë rast, ai shtoi se krijimi i ushtrisë së Kosovës me mandat kushtetues, nuk e ndryshon balancën e sigurisë në rajon, porse për më tepër kontribuon në të.

Ministri slloven, në anën tjetër, vlerësoi, siç tha, arritjet dhe progresin e madh që është bërë në Kosovë në këta 10 vjet të shtetësisë, duke shprehur gatishmërinë dhe përkushtimin e vendit të tij për bashkëpunimin dypalësh.

© ZHURNAL 13.03.2018, 16:05 | Xh.I. | 908 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."