ZHURNAL.MK ZHURNAL.KS ZHURNAL.AL

 

Lajme nga Maqedonia
Tokat ndërtimore do të menaxhohet nga komunat

Pas marrëveshjes së nënshkruar mes bashkësisë së njësive të vetëqeverisjes lokale dhe Ministrisë së Transportit, BNJVL fitoi të drejtën për përdorim, menaxhim, drejtim dhe shtim të të dhënave në sistemin elektronik, përmes të cilit kryen të gjitha procedurat...

150_4.jpg
Shkup, 13 mars - Pas marrëveshjes së nënshkruar mes bashkësisë së njësive të vetëqeverisjes lokale dhe Ministrisë së Transportit, BNJVL fitoi të drejtën për përdorim, menaxhim, drejtim dhe shtim të të dhënave në sistemin elektronik, përmes të cilit kryen të gjitha procedurat për shitblerje ose dhënie me qira të tokës ndërtimore në pronësi të shtetit.
 
“Përmes këtij sistemi, udhëhiqen të gjitha procedurat për tjetërsim, dhënie me qira në afat të shkurtër apo të gjatë, dhënie për përdorim të përhershëm, dhënie të së drejtës së pronësisë dhe të drejtën për shfrytëzim të tokës në pronësi shtetërore”,- deklaroi ministri i Transportit dhe Lidhjeve, Goran Sugarevski.
 
“Prioritet i BNJVL-së është që të gjitha komunat të përmbushin kushtet për menaxhim me tokën ndërtimore, ku nuk ka ndërtime aktualisht dhe vetë të kryejnë procedurat e kërkuara në këtë sistem. Është një ndër parakushtet kryesore e një ndër përfitimet më të mëdha nga Ligji për decentralizim”,- theksoi kryetari i BNJVL-së, Petre Shilegov.
 
Kryeministri Zaev thotë se, për një zhvillim të barabartë rajonal, komunat do të kenë edhe më shumë mjete në dispozicion, me këtë do të kenë mundësi të marrin edhe më shumë kompetenca. Kjo, sipas tij, do jetë edhe inkurajim për të gjithë investuesit, se procedurat që duhet të kryejnë, hapat e parë drejt ndërtimeve të ardhshme do të zgjidhen në nivel lokal, në asistencë të drejtpërdrejtë të BNJVL-së.
 
“Kjo do të thotë se në të ardhmen, sapo kapacitetet komunale të jenë gati, shpresoj që kjo të ndodhë deri në fund të 2018-s, do të marrin mbi vete edhe mundësitë e ndërtimit të investimeve kapitale, siç janë shkollat fillore e të mesme që tani ndërtohen nga MASh-i, edhe ndërtimin e  çerdheve të fëmijëve dhe  shtëpive të shëndetit, por edhe të shtëpive të kulturës, përveç atyre që janë në interes nacional”,- u shpreh kryeministri, Zoran Zaev.
 
Sistemi aktualisht përdoret nga 46 komuna të cilat i kanë përmbushur kushtet ligjore dhe kanë marrë të drejtën të menaxhojnë tokën ndërtimore në pronësi shtetërore. Komunat e tjera, deri në përmbushjen e kushteve, procedurat do t’i kryejnë përmes Ministrisë së Transportit.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.03.2018, 16:29  | D.J. | 2,105 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | D.J. | 2.284 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.