ZHURNAL.MK ZHURNAL.KS ZHURNAL.AL

 

Lajme nga Maqedonia
Mbeturinat e “Ohisit”, të ruajtura edhe në Draçevë

Deponitë me 40 mijë ton të mbeturinave toksike në oborrin e Ohisit nuk janë të vetmet që i la pas punës një

ohis.jpg

Shkup, 13 mars - Deponitë me 40 mijë ton të mbeturinave toksike në oborrin e Ohisit nuk janë të vetmet që i la pas punës një dekadëshe ky ish gjigant kimik. Një ish-punonjës i fabrikës, në emisionin “360 gradë” në Alsat tregoi dokumentacion me të cilin pretendon se 8 mijë ton mbeturina nga prodhimi i pesticidit lindan janë depozituar mbi lagjen Draçevë, në lokalitetin Pelenica.

"Duke gërmuar dokumentacione, kam ardhur në dokumentet se këtu në këtë vend ka leje për depozitimin e mbeturinave të rrezikshme. Ndoshta është depozituar një pjesë e mbetjeve delta pasta. Megjithatë duhet bërë analiza dhe të shohim nëse është Delta ose mbetja tjetër e lindanit. Leja për përdorim është dhënë në vitin 1975 deri në vitin 1980, kur është sjellë mbetja e rrezikshme nga prodhimi i pesticideve lindan", tha Sreten Stojkovski, ish punonjës i OHIS-it.

Pretendimet e Stojkovskit janë mbështetur edhe nga Fakulteti i Teknologjisë dhe Metalurgjisë në Shkup, ku ka mbrojtur punimin e magjistraturës mbi këtë temë. Deponia potenciale përmendet edhe në planin lokal mjedisor të komunës Kisella Vodë nga viti 2016, i cili thotë se nuk ka informacion nëse mbeturinat janë ende në fuçi metalike të groposura cekët në Pelenicë, ose helmet tashmë janë shpërndarë/derdhur. Ekipi i “360 Gradë” kontaktoi me një mjeke, nga Klinika e fëmijëve në Shkup. Ajo gjatë një hulumtimi të saj ka gjetur përqendrime të larta të niveleve të lindanit te fëmijët me pubertet të parakohshëm. Mjekja thotë se madje te 24 vajza të testuara me zhvillim normal nga Shkupi kanë gjetur lindan në gjak.

"Rezultatet treguan se fëmijët tanë, përqindje e vogël, 10-15 për qind kanë derivate të DI-DI-Ti, por shumica, pothuajse të gjithë fëmijët, edhe grupi i kontrollit ka pasur vlera të konsiderueshme më të larta të lindanit. Ne madje u përpoqëm dhe organizuam një konferencë në lidhje me këtë gjetje tonë të rastit, dhe të ju them se nuk pati jehonë të gjerë në publik", tha Marina Kërstevska-Konstantinova, Klinika e Fëmijëve, Shkup.

Lindani është një pesticid që dikur është prodhuar në Ohis për përdorim në bujqësi. Në vendin tonë ai ndalohet për përdorim nga viti 2009. Problemi për të cilin përgjegjës është pushteti qendror, është në fazën fillestare të zgjidhjes. Vlerësimet janë se për pastrimin e deponisë së vogël në OHIS do të duhen 5 vjet, dhe për të madhen plus 10 vjet. Për deponinë mbi Draçevë, nga Ministria e ekologjisë thonë se kanë në plan ta hulumtojnë vendin dhe të ndalojnë qasje në të, por nuk thanë se kur do ta bëjnë këtë.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.03.2018, 15:31  | Xh.I. | 912 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | Xh.I. | 2.516 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.