ZHURNAL.MK ZHURNAL.KS ZHURNAL.AL

 

Lajme nga Maqedonia
Dimitrov: Theksimi i pozicioneve kyçe i zvogëlon shanset për zgjidhje

Nëse theksohen pozicione kyçe në opinion, zvogëlohen shanset e procesit për zgjidhjen e kontestit mes Maqedonisë dhe

134157940.jpg

Shkup, 13 mars - Nëse theksohen pozicione kyçe në opinion, zvogëlohen shanset e procesit për zgjidhjen e kontestit mes Maqedonisë dhe Greqisë rreth emrit, deklaroi sot shefi i diplomacisë së Maqedonisë, Nikolla Dimitrov, duke shtuar se është më e dobishme të flitet për qëllime sesa për pozicione.

Duke u përgjigjur në pyetjen e gazetarëve lidhur me pozicionin e Greqisë se nevojitet ndryshim i Kushtetutës së Maqedonisë që të arrihet zgjidhje për emrin, Dimitrov theksoi se konsideron se është shumë më e dobishme të flitet për qëllime, respektivisht çka Greqia dëshiron të arrijë në këtë proces, ndërsa gjithashtu edhe se cilat janë qëllimet e Maqedonisë.

"Konsideroj se në këtë mënyrë do të kemi shanse më të mëdha që në të  vërtetë të tejkalohet diferenca dhe të vijmë deri në kompromis, i cili do të pranohet nga qytetarët e dy palëve", tha Dimitrov në konferencën e përbashkët për shtyp me kolegun e tij kroate Marija Pejçinoviq Buriq.

Shtoi se në gjithë procesin është e pëlqyeshme nëse Maqedonia dhe Greqia garojnë mes vete, se kush do të shfaqë qasje më proevropiane në kuptim të mirëkuptimit të tjetrit dhe sendërtimit të vlerave evropiane dhe parimeve në proces.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.03.2018, 11:57  | Xh.I. | 741 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | Xh.I. | 2.509 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.