Kompani nga Maqedonia në Panairin e 5-të ndërkombëtar të ushqimit në Athinë
ekonomi
Kompani nga Maqedonia në Panairin e 5-të ndërkombëtar të ushqimit në Athinë

Kompani nga Maqedonia në Panairin e 5-të ndërkombëtar të ushqimit në Athinë

Athinë, 11 mars - Ndër ekspozuesit nga 20 vende dhe Greqisë mikpritëse, dy kompani maqedonase po marrin pjesë në Panairin e Pestë Ndërkombëtar të Ushqimit dhe Pijeve që zhvillohet në Athinë këtë fundjavë.

Panairi synon të promovojë kompanitë, të prezantojë produktet e tyre eventualisht të lidhet ndonjë marrëveshje konkrete bashkëpunimi.

Korrespondentja e MIA-s në Athinë vizitoi panairin dhe stendat e kompanive nga Maqedonia. Fabrika "Lars" - "Perustija" nga Shtipi, për herë të parë merr pjesë në këtë panair, "Agrar Ko" nga Koçani tashmë ka përvojë si ekspozues në Athinë dhe të dyja pjesëmarrëset janë të kënaqura me vizitën e stendave të tyre gjatë ditës së parë.

"Përshtypjet fillestare janë të mira për ditën e parë. Ekziston pjesëmarrja, është panair interesant, kompakt që nuk është tipike për panairet e mëdha, mund të vizitohet gjithçka dhe unë mendoj se gjithkush ka kohë për të shpenzuar në të gjitha stendat",  thotë Sofia Mitevska nga fabrika Lars "-" Perustia" në një bisedë me MIA-n.

Mitevska shton se kjo është një mundësi e mirë për të prezantuar produktet e tyre, për t'i provuar vizitorët dhe në të ardhmen për të hapur mundësinë për bashkëpunim, pasi që për momentin ata nuk kanë bashkëpunim me Greqinë. Theksi vihet në produktet premium si ajvari, lëngjet natyrale, salcat dhe xhemi pa sheqer. 

Kompania "Agrar Ko" nga Koçani tashmë ka përvojë - si në panair, ashtu edhe në bashkëpunim me Greqinë.

"Herën e parë ishim vizitorë, vitin e dytë kemi ekspozuar dhe tani është viti i tretë, por i dyti si ekspozues. Panairi është shumë i vizituar, ka vende të tjera dhe nuk është vetëm për tregun grek. Ne jemi të kënaqur me pjesëmarrjen, interesin për produktet. Ne tashmë punojmë në Greqi, në treg produktet janë të njohura nga cilësia, kemi bashkëpunim të suksesshëm, kemi mjaft konsumatorë grekë, shumica prej tyre janë përpunues", thotë Jasna Stojmirovska-Veliçkova, themeluese e "Agrar Ko" nga Koçani, një kompani e specializuar për perimet dhe specat e vegjël djegës.

Kompania tashmë për një kohë të gjatë e furnizon tregun grek me produkte nga Maqedonia.

Ajvari, trangujt për turshi, reçelrat, lëngjet, çeri pepers ose specat e vegjël djegës janë pjesë e produkteve që ekspozuesit nga Maqedonia i ofrojnë bashkëpunëtorëve potencialë. Megjithatë më atraktiv është  ajvari.

Panairi Ndërkombëtar i Ushqimit dhe Pijeve mbahet për herë të pestë, nga 10 marsi deri më 12 mars dhe është një nga më të mëdhenjtë në Evropën Juglindore. Marrin pjesë 1 300 ekspozues grekë dhe të huaj në një hapësirë prej 55 000 metra katrorë. Përveç Maqedonisë dhe Greqisë mikpritëse, ka kompani nga 20 vende, përfshirë Austrinë, Belgjikën, Gjermaninë, Italinë, Holandën, Poloninë, Turqinë, Indinë, Egjiptin, Spanjën, Zelandën e Re, Korenë e Jugut, Izraelin, Rumaninë...., ndërsa Bullgaria është pjesëmarrëse si vend nderi.

Pritjet janë se do të ketë rreth 70,000 vizitorë nga kompanitë greke dhe të huaja.

© ZHURNAL 11.03.2018, 13:11 | T.E. | 1,940 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."