JOZYRTARE Zhurnal mëson emrat e përfolur për drejtor të BDI-së në këto drejtori
maqedonia
Jozyrtare Zhurnal mëson emrat e përfolur për drejtor të BDI-së në këto drejtori

Jozyrtare Zhurnal mëson emrat e përfolur për drejtor të BDI-së në këto drejtori

Tetovë, 25 shkurt - Këto ditë në selinë blue të partisë së Ahmetit përfliten shumë emra që do të zënë vendet e drejtorëve në disa drejtori të rëndësishme që me ndarjen e kulaçit i takojnë pikërisht BDI-së.

Byroja për furnizime publike pritet që së shpejti të ketë një drejtor të ri, të paktën kështu theksojnë burime të Agjencisë së lajmeve Zhurnal nga selia e partisë së Ahmetit. Në këtë pozitë, për herë të parë do të ulet një shqiptarë edhe atë nga dega e Strugës, pasiqë për gjatë këtyre viteve kjo byro shumë e rëndësishme nuk ka pasur asnjë drejtues shqiptarë vetëm se një anëtarë në bordin mbikqyrës. Bardhyl Nasufi, përflitet si kuadër i cili pritet të drejtojë këtë drejtori. Nasufi është nga Struga dhe njihet si një nga anëtarët më me shumë përvojë në BDI nga gjenerata e re.

Ndërkohë që Byroja për ekspertiza gjyqësore do të drejtohet poashtu nga një kuadër shqiptarë. Kjo drejtori me ndarjen e re të kulaçit i takon BDI-së edhe atë degës së Gostivarit kurse jozyrtarisht Agjencia e lajmeve Zhurnal mëson se në këtë pozitë do të ulet ish ministri i drejtësisë Valdet Xhaferi.

Në pozitën e zv.drejtorit në Drejtorinë e doganave është përfolur një kuadër nga dega e Çairit, z.Irfan Buçi, mirëpo Agjencia e lajmeve Zhurnal merr vesh se kjo drejtori do ti takon degës së Tetovës.

Degës së Tetovës pritet t'i takojë Drejtoria për komunikime elektronike ndërsa si kuadër që përflitet jozyrtarisht në selinë blue është emri i Lulzim Islami.

Një tjetër emër që përmendet në listën e drejtorëve dhe zv.drejtorëve të BDI-së është dhe Festim Dervishi si kuadër nga dega e Kërçovës i cili përflitet si drejtor në Drejtorinë për konfiskim të mallërave ose zv.drejtor në DAP.

© ZHURNAL 25.02.2018, 17:29 | B.M. | 86,957 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."