Shilegov: Përmendorja e UÇK-së është punë e Komunës Çair, Qyteti i Shkupit nuk ka të drejtë ligjore në atë procedurë
maqedonia
Shilegov: Përmendorja e UÇK-së është punë e Komunës Çair, Qyteti i Shkupit nuk ka të drejtë ligjore në atë procedurë

Shilegov: Përmendorja e UÇK-së është punë e Komunës Çair, Qyteti i Shkupit nuk ka të drejtë ligjore në atë procedurë

Shkup, 25 shkurt - Në intervistën për ‘360 Shkallë’, kryetari i Shkupit, Petre Shilegov foli për heqjen e përmendores së Andon Janev Qose. Ai gjithashtu tha se nuk do të hiqet përmendorja e UÇK-së në Çair, pasi që Qyteti i Shkupit nuk ka kompetenca për këtë çështje.

Në intervistë, gazetari i bëri pyetjen e cila ishte nga TMRO : “TMRO ju pyet se a do të largoni përmendoren e UÇK-së në Çair, për të cilën ata thonë se është ilegale?”

“Ai që ata asistuan që të jetë i vendosur aty, apo? TMRO dhe VMRO atëherë ishin partner koalicioni, dhe të mos gënjejmë veten dhe publikun se shumë mirë dihet skenari. Qyteti i Shkupit nuk ka të drejtë ligjore në këtë procedurë. Madje as nuk paraqitet si investitor apo institucion i cili vendosi  atë, për këtë nuk mund të bëhet paralelizmi mes përmendoreve të vendosura nga Qyteti i Shkupit dhe përmendoreve të komunës Çair. Ajo është punë e organeve komunale të komunës dhe jo nën ingerencat e Qytetit apo Ministrisë për transport dhe lidhje. Është e dukshme që sërish bëhet fjalë për promovim të lirë dhe politikë primitive”, tha Shilegov.

Shilegov konfirmoi edhe heqjen e anijeve nga lumi Vardar, nën arsyetimin se studimet e fundit kanë treguar se gjatë reshjeve të madha, Shkupi mund të pësojë dëme materiale deri në 500 milionë euro.

Ky nuk është trill i Petar Shilegovit, se dëshiron të shkatërrojë projektin “Shkupi 2014”.Ka të bëjë me sigurinë e qytetarëve të Qytetit të Shkupit. Kujt duhet nesër ti shpjegoj pse nuk i hoqa anijet në qoftë se Zoti na ruajt mbytet ndonjë qytetar në ato përmbytje apo shtëpitë shkatërrohen, nga ujërat, siç di ti sjell Vardari – theksoi Petre Shilegov, kryetar i komunës së Shkupit.

Shilegov nuk u përgjigj në mënyrë specifike nëse fatin e përmendores së Andon Lazov Qoseto do ta kenë edhe përmendoret tjera. Ai tha se për këtë do të vendosin komisionet përkatëse që punojnë në kuadër të Ministrisë së Kulturës dhe pushtetit ekzekutiv.

© ZHURNAL 25.02.2018, 12:05 | B.M. | 6,344 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."