Allagjozovski: Është rritur mbështetja për “synetime” në emër të kulturës shqiptare në Maqedoni
maqedonia
Allagjozovski: Është rritur mbështetja për “synetime” në emër të kulturës shqiptare në Maqedoni

Allagjozovski: Është rritur mbështetja për “synetime” në emër të kulturës shqiptare në Maqedoni

Shkup, 22 shkurt – Pasiqë esnafi i Kulturës shqiptare, intelektual e media ngritën zërin për katandisjen, mallverzimet dhe përdhozjen e funksionarve shqiptarë në ministrinë e kulturës me fondet nga Programi vjetor i Ministrisë së Kulturës, sot partnerëve të tij të koalicionit në mbështetje ju ka dal edhe vetë numri i një i kësaj Ministrie, Robert Allagjozovski, shkruan Zhurnal.   

Ai thotë se mbështetja për kulturën në Republikën e Maqedonisë për qytetarët shqiptarë është rritur katërfish lidhur me të gjithë praktikat e deritanishme. Ky si dhe shumë projekte të mëdha për rinovim dhe ndërtim të Teatrit të Tetovës dhe Teatrit Shqiptar, Ditët e Naimit dhe një numër të madh të manifestimeve të përmbajtura në Programin vjetor garantojnë se sivjet do të ketë program të pasur dhe cilësor për qytetarët shqiptarë.

Por, megjithatë ministri Robert Allagjozovski duhet ta ketë të qartë se kultura shqiptare nuk janë shoqata fantome dhe organizata që bëjnë synetime, nuk janë as grupacione që bëjnë mallverzime financier. Raste këto të faktuara dhe dokumentuar nga mediat shqiptare, botuesit dhe punonjës të sferës së kulturës shqiptare.

Duke iu përgjigjur pyetjes së deputetëve për mjetet e ndara për kulturë në kuadër të Programit vjetor dhe siç tha deputeti Syrija Rushiti, për mjetet e pakta për kulturën shqiptare dhe keqpërdorimet gjatë ndarjes, tha se gjithë diskutimi për gjoja parregullsi është rezultat i transparencës së Qeverisë dhe gatishmërisë që të publikohen të gjitha të dhënat e lidhura me komisionet dhe fituesit.

"Ne jemi ata të cilët i bëmë thirrje opinionit që të na njoftojë ne dhe kompetencat e tjera nëse kanë indikacione për ndonjë parregullsi që të mund të ndiqen procedura", tha Allagjozovski, duke shtuar se transparenca e këtilla ka munguar gjatë pushtetit të kaluar.

Projektet kontestuese, tha, nuk janë më shumë se rreth njëzet, ndërsa mjetet të cilat janë aprovuar nuk janë as një për qind nga mjetet për programin e përgjithshëm vjetor.

"Lidhur me diskutimet për konflikt të mundshëm të interesave mund të them se të gjithë anëtarët e komisioneve e tërhoqën pjesëmarrjen e tyre në projektet për të cilët ata një pjesë kanë vendosur vetë. Pas presionit plotësues nga opinioni, kishte tre projekte kontestuese, të cilët vetë pjesëmarrësit i tërhoqën", tha Allagjozovski.

 

Shtoi se edhe projektet e miratuara lidhur me ndikimin e mundshëm në kabinet dhe njerëz të afërt me sekretarin shtetëror gjithashtu janë tërhequr.

© ZHURNAL 22.02.2018, 14:19 | D.J. | 4,537 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."