Shpiket ekrani LED që gjen përdorim në mjekësi
teknologji
Shpiket ekrani LED që gjen përdorim në mjekësi

Shpiket ekrani LED që gjen përdorim në mjekësi

Një ekran tejet i hollë, i lakueshëm si një garzë, që mund të ngjitet në sipërfaqen e dorës për të marrë dhe dërguar mesazhe. Kjo është shpikja e një pedagogu japonez, i cili ëndërron ta shohë këtë krijim të tijin të gjejë përdorim kryesisht në fushën e mjekësisë, thuhet në shkrimin e AFP-së që e transmeton ATSH.

 

“Pajisja me trashësi rreth një milimetër i mundëson pacientit trasmetimin në distancë të të dhënave mjekësore mjekut të tij”, shprehet hulumtuesi, Takao Someya, pedadog në Universitetin e Tokios. I ngjitur mbi pëllëmbë apo pjesën e pasme të dorës, pajisja mund të përdoret për të dërguar mesazhe tek pacientët një formë kujtese për të mos harruar marrjen e ilaçeve apo për t’i mundësuar komunikimin në distancë nipërve me gjyshërit e tyre.

 

“Nëse e vendosni pajisjen në lëkurë, ju jep përshtypjen sikur është pjesë e trupit tuaj, edhe kur i dërgoni mesazhe dorës tuaj, ju ndiheni emocionalisht më afër dërguesit”, thekson ai. Akademiku thekson se shpikja e tij është kryesisht e dobishme për Japoninë me një popullsi që po shkon drejt plakjes, pasi kjo do të mundësojë një monitorim të vazhdueshëm dhe jo invaziv te personat e moshuar.

 

Pamjet apo mesazhet shfaqen në një rrjetë mikro-LED, të lidhura me kabuj elastikë dhe të mbështjella në një fletë kauçuku. Pajisja përfshin gjithashtu një sensor mjaft të lehtë dhe një sistem komunikimi pa tela.

 

Pajisja, e zhvilluar në partneritet me gjigantin japonez të printimit “Dai Nippon” do të prezantohet këtë fundjavë në takimin e përvitshëm të Shoqatës Amerikane për Avancimin e Shkencës në Teksas. Ky produkt pritet të hidhet në treg brenda tre vitesh. /kohanet/

© ZHURNAL 20.02.2018, 12:10 | Z.H. | 1,129 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."