ZHURNAL.MK ZHURNAL.KS ZHURNAL.AL

 

Lajme nga Maqedonia
Për shkak të borës ndalesë për qarkullim të automjeteve të rënda transportuese në Strazhë

Nën ndikim të një serie të valës së lagësht në ditët në vijim do të mbajë kryesisht moti i vranët me reshje lokale të kohëpaskohshme të shiut, ndërsa në male dhe në vise më të larta edhe reshje të borës. Reshjet do të jenë me intensitet më të vogël deri mesatar dhe më

133513537.jpg

Shkup, 20 shkurt - Komunikacioni në rrugët shtetërore po zhvillohet kryesisht në rrugë të lagështa, ndërsa reshje të vogla të borës ka në Kodrën e Diellit, Strazhë, Mavrovë, Krushevë, Bukovë, Gjavato, Pletvar dhe Presekë, informon LAMM.

Intensiteti i komunikacionit në akset rrugore jashtë mjediseve urbane është mesatar, ndërsa në pikat kufitare nuk ka ndalesa të gjata për hyrje dhe dalje nga shteti. Ky informacion ka të bëjë vetëm për anën e Maqedonisë të vendkalimeve.

Nën ndikim të një serie të valës së lagësht në ditët në vijim do të mbajë kryesisht moti i vranët me reshje lokale të kohëpaskohshme të shiut, ndërsa në male dhe në vise më të larta edhe reshje të borës. Reshjet do të jenë me intensitet  më të vogël deri mesatar dhe më të mëdha në pjesët perëndimore të vendit. Më shumë reshje do të ketë deri të enjten paradite, kur në këto pjesë pritet të bien 25l/m2, ndërsa  trashësia e borës në male do të rritet dukshëm. Deri të premten do të fryjë erë juglindore. Nga fundi i javës do të  fillojë ftohje e konsiderueshme e motit.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 20.02.2018, 20:05  | T.E. | 1,525 i lexuar

 

 

 

Në Ditën e Shkopit të Bardhë, kryetari Taravari në vizitë te Shoqata e të verbërve “Realiteti”

Gostivar, 15 tetor - Në Ditën ndërkombëtare të personave të verbër, kryetrari i komunës së Gostivarit, Arben Taravari vizitoi zyrën e Shoqatës së personave të verbër dhe me shikim të dëmtuar “Realiteti” – Gostivar.

“Sot është 15 Tetori, dita botërore e personave të verbër, që njihet si Dita e shkopit të bardhë, andaj e përzgjodhëm pikërisht këtë ditë për të bashkëbiseduar dhe për tu njohur me hallet dhe nevojat anëtarëve të kësaj  shoqate. Më informuan se janë të ftuar në garat në ‘Gold ball' në Sarajevë. Me këtë rast ne si Komunë i mbështesim për udhëtimin dhe qëndrimin atje, si dhe urojmë që të shënojnë sa më shumë fitore. Po ashtu do tua plotësojmë edhe një kërkesë, respektivisht nevojë, do t’ua rinovojmë mjediset e Shoqatës së shpejti, menjëherë  pas përfundimit të tenderit” – theksoi kryetari Taravari.

Kryetari i shoqatës Realiteti , Xhevat Fejzuli, shprehu kënaqësinë për vizitën e dytë të kryetarit Taravari, si dhe shprehu falënderime për përkrahjen e vazhdueshme.
“Shoqata jonë numëron 62 anëtarë. Falënderojmë kryetarin që na mundëson pjesëmarrjen në garat në Sarajevë dhe uroj dhe shpresoj se do të shënojmë rezultate të kënaqshme.”, u shpreh kryetari Fejzuli.

Komuna e Gostivarit për anëtarët e shoqatës Realiteti, siguroi fanella me logon e komunës, të cilat do t’i shfrytëzojnë për pjesëmarrje në garat në Sarajevë.

Vlen të theksohet edhe se prej sot, një zyrë në objektin e NP” Komunalec”,  iu dorëzua në shfrytëzim Shoqatës për personat me nevoja të posaçme “Bashkërisht Mundemi “.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 23:04  | T.E. | 2.526 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.