ANALIZË Zaev dhe Gruevski nuk kanë fare dallim, e sidomos kur janë në pyetjet të drejtat e shqiptarëve
maqedonia
Analizë Zaev dhe Gruevski nuk kanë fare dallim, e sidomos kur janë në pyetjet të drejtat e shqiptarëve

Analizë Zaev dhe Gruevski nuk kanë fare dallim, e sidomos kur janë në pyetjet të drejtat e shqiptarëve

Shkup, 20 shkurt - Kryeministri Zoran Zaev erdhi në pushtet në saje të premtimeve të mëdha për një jetë më të mirë për të gjithë qytetarët e Republikës. Por pasi që e mori fronin, ai si duket u largua nga zotimet e tij dhe politika e Qeverisë së tij kryesishtë është përqëndruar në çështjen e emrit dhe gjykimet që po zhvillohen ndaj ish-kryeministrit Gruevski dhe ish- bashkë punëtorëve të tij, shkruan Zhurnal.

“Partitë politike që nuk kanë strategji për të zhvilluar shtetin, qëllimin kryesor e kanë ardhjen në pushtet. Pasi të vijnë në pushtet merren vetëm me të bëmat e qeverive të kaluara. Ky është sindromi ballkanik. Dhe kësaj vije është duke i shkuar edhe kryeministri Zaev, për të cilin kam pasur gjithmonë dyshime që do t'i mbajë premtimet e dhëna gjatë fushatës parazgjedhore. Për mua Zaev dhe Gruevski nuk kanë fare dallim, e sidomos kur janë në pyetjet të drejtat e shqiptarëve”, thotë për Zhurnal, Faik Krasniqi, analist.

Nga ana tjetër, opinionisti, Mirlind Xhemaili thekson se Qeveria e thirur kinse reformatore, me slloganin  “Jetë për të gjithë”  me veprimet e tyre dëshmohet se qëllimet e tyre janë vetëm hakmarrja ndaj udhëheqësve të regjimit të VMRO-së.

“E në praktik veprimet e tyre dëshmojnë se instalojnë poashtu regjim , ku i gjithë aparati shtetëror mbahet në duart e LSDM-së. Gjithashtu kjo qeveri dëshmon se vazhdon me avazin e vjetër, vetëm me hakmarrje ndaj pushtetarëve të kaluar dhe diskriminim e shqiptarëve në të gjitha poret e jetës (kultur, arsim, shëndetsi, sport), veçse ku regjimi i ri që është në instalim e sipër sillet kinse më butë se të kaluarit, si në ish Jugosllavi “Jetë për të gjithë” e nga ana tjetër ofrojnë jetë më të mirë vetëm për Maqedonasit”, theksoi për Zhurnal, Mirlind Xhemaili, opinionist.

© ZHURNAL 20.02.2018, 16:45 | D.J. | 5,932 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."