Ambasadori i Francës uron kryetarin e Lëvizjes BESA, Afrim Gashi
maqedonia
Ambasadori i Francës uron kryetarin e Lëvizjes BESA, Afrim Gashi

Ambasadori i Francës uron kryetarin e Lëvizjes BESA, Afrim Gashi

Shkup, 19 shkurt - Ambasadori i Republikës së Francës në Maqedoni, Kristian Timonie ka uruar kryetarin e ri të Lëvizjes Besa, Afrim Gashi për zgjedhjen e tij në krye të partisë në Kongresin e djeshëm. Timonie në letrën e tij, shpreson në bashkëpunim të ngushtë në rrugën drejt integrimit evropian dhe atlantik, ndërsa i ofron mbështetje Gashit në punën e tij për të mirën e qytetarëve.

“Në emër të ambasadës së Francës dhe në emrin tim personal, ju uroj për zgjedhjen tuaj në krye të Lëvizjes BESA. Besoj shumë në bashkëpunimin e ndërsjellë, me qëllim që vendi të ec në drejtimin e duhur drejt integrimit evropian dhe atlantik, prandaj dhe me këtë rast dëshiroj t’ju shprehë përkrahjen tonë.

Jam i bindur se gjatë mandatit tuaj do të rrugëtoni me sukses dhe do të punoni për të mirën e të gjithë qytetarëve të këtij shteti. Me dëshirën dhe bindjen e plotë se ju dhe partia që ju drejtoni do të kontribuoni në proceset e integrimeve, për t’u bërë së shpejti pjesë e familjes evropiane”, thuhet mes tjerash në letrën e ambasadorit francez Kristian Timonie, drejtuar kryetarit të ri të Lëvizjes Besa Afrim Gashi.

© ZHURNAL 19.02.2018, 20:51 | B.M. | 3,708 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."