ANALISTËT Opozita shqiptare është katandisur keq
maqedonia
Analistët Opozita shqiptare është katandisur keq

Analistët Opozita shqiptare është katandisur keq

Shkup, 19 shkurt - Që nga pavarësia e Maqedonisë deri më sot, asnjëherë opozita shqiptare nuk ka qenë e katandisur kaq keq. Realisht opozita shqiptare nuk ekziston. Ajo është një betejë fund e krye e klaneve të caktuara, e një luftë brenda llojit që duken se janë bashkë por luftojnë kundër njëri-tjetrit në forma më të ulëta por veprimi i tyre duket qartazi se kjo s'ka të bëjë për shqiptari por për grupe interesi, thonë për Zhurnal, analit politik.

“Që nga pavarësia e Maqedonisë deri më sot, asnjëherë opozita shqiptare nuk ka qenë e katandisur kaq keq. Realisht opozita shqiptare nuk ekziston. Ajo është një betejë fund e krye e klaneve të caktuara, e një luftë brenda llojit që duken se janë bashkë por luftojnë kundër njëri-tjetrit në forma më të ulëta por veprimi i tyre duket qartazi se kjo s'ka të bëjë për shqiptari por për grupe interesi”, thotë pëe Zhurnal, Urim Saliu, analist.

Si do shkojnë në zgjedhjet tjera, shton mëtej Saliu, kështu të përçarë kur brenda një lëvizjeje krijohen dy dhe ata me të cilët bashkëvepronin, sot janë bërë copë-copë dhe natyrisht se në matematikat partiake vota do t'u përgjysmohet sepse as BESA nuk do jetë si një tërrësi, as partitë a lëvizjet tjera nuk do jenë të fuqishme por thellësisht të ndara .

“Pushteti kërkon opozitë të fuqishme që mos i jep komoditet partisë ose partive më saktë që qeverisin. Ne sot nuk shohim se kësaj qeverie dikush i bënë rezistencë, ose e ta ketë mbështetur për muri. Përkundrazi ne sot shohim një teatër qesharak politik ku qëllimi nuk është as cështja shqiptare, as ndryshimi ekonomik  me të cilën përballen kaq keq qytetarët, por është lufta e pakompromis brenda llojit.Secili do të bëhet lider dhe kjo s'mundet”, nënvizoi Saliu.

Sipas tij, kjo s'ka shanse të bëhet. Këto copëza partishë të ndara skajshmërisht do marrin përgjigjen në zgjedhjet e rradhës sepse njerëzit nuk do ti përgjigjen as njërës dhe as palës tjetër.

“Por e keqja është se këto lëvizje duan ta bindin opinionin se e keqja u vjen nga të tjerët kur ata janë e keqja vetë. Ne sot kemi opozitën brenda opozitës dhe jo atë kundër pushtetit”, potencoi Saliu.

Nga ana tjetër, historiani Arben Llalla thekson se lojra politike opozitë brenda opozitës për ringritjen e figurave politike të deshtuara me tendencën për ta djegur dikë janë humbje për të gjithë.

“Lojra politike opozitë brenda opozitës për ringritjen e figurave politike të dështuara. Besoj se dikush mund të digjet nga këto lojra. Humbësi si gjithjë dihet, është populli që varfërohet çdo ditë, në veçanti etnia shqiptare”, theksoi për Zhurnal, Arben Llalla, historian.

© ZHURNAL 19.02.2018, 13:45 | D.J. | 4,368 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."