LIGJI PËR AMNISTI Nga burgu në liri dhe nga liria në burg
maqedonia
Ligji për amnisti Nga burgu në liri dhe nga liria në burg

Ligji për amnisti Nga burgu në liri dhe nga liria në burg

Shkup, 19 shkurt – Ligji për amnisti i cili kishte për qëllim që ti “çlirojë” burgjet nga mbipopullimi nuk ka dhënë rezultatet e duhuara, por u ka nxjerrë edhe më shumë punë uniformave “blu”, shkruan Zhurnal.

Nga burgu i Idrizovëz, në rrugë, edhe prap në burgun e Shutkës. Ky është veprimi i disa të të burgosurve që u përfshinë me ligjin për amnisti. Ata në vend se ti gëzohen lirisë vetëm se disa orë pasi kanë dalë në liri kanë kryer vepër tjetër penale dhe përsëri i janë kthyer në burg.  

“Rekordin e mbanë 21 vjeçari, M.D. i njohur si Orevçe nga Shkupi. Në liri ka qëndruar vetëm se 4 orë. Ai ka dal në liri më 12 shkurt, në ora 20 të kësaj date e ka lëshuar burgun e Idrizovës, ndërsa në ora 23.20 ka kryer vepër të rënd penale vjedhje dhe përsëri është prangosur nga policia”, njofton Ministrisa e Bredëshme, transmeton Zhurnal.

Orevçe, rreth orës 23 të datës 12 shkurt, ka kryer vjedhje në një shtëpi në rrugën “Makedonska prerodba” në Shkup, pronari i shtëpisë e ka kapur duke vjedhur, por nuk ka shpëtuar edhe ai pa u sulmuar nga grabitësi. Pasi që Orevçe i ka vjedhur parat është larguar, por policia shumë shpejt e ka prangosur. Në stacionin policor në lagjen Gjorçe Petrov, te grabitësi janë gjetur 5 mijë e 500 denarë.

Në duart të uniformave “blu” po ashtu ka rënë edhe 37 vjeçari A.T., në burgun e Idrizovës shumë vjet ka vuajtur dënimin për më shumë vepra penale, në dosjen e tij të burgut siç mëson Zhurnal janë të shënuar më shumë vepra penale: vjedhje, vjedhje të rënda, grabitje të veturave si dhe tregëti me drogë. Pasi që ka dal nga burgu i Idrizovës, policia përsëri i ka vënë prangat, më 16 shkurt, në ora 16 e 30 minuta është arrestuar në lagjen Lisiçe në Shkup, ka kryer vjedhje, ndërsa ka tentuar që të bëjë grabitje. Në stacionin policor në Aerodrome polocia i ka gjetur në xhep telefon cellular të cilin e ka vjedhur gjatë kryerjes së veprës penale.

Prapa grilave të burgut ka përfunduar edhe një grua, e amnistuar për trafikim me drogë, sipas informacioneve që posedon Zhurnal, pasi që ka dal në liri, përsëri i është kthyer “biznesit” të vjetër dhe ka përfunduar në paraburgim.

Në burgun e Idrizovës, me ligjin për amnisti janë liruar nga vuajtja e dënimit rreth 700 perosna, por shqetësues është fakti se 90 përqind e të dënuarve i rikthehen përsëri “zanatit” të vjetër. Qeveria e cila e ka miratuar ligjin për lirimin e të burgosurëve për vepra të rënda penale, i mbeti “borxh” opinionit për ti sqaruar se a kërcnohet siguria e qytetarëve me këtë ligj.

© ZHURNAL 19.02.2018, 12:30 | D.J. | 4,627 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."