Roma për vazhdimësi në Udine, Spalletti me telashe ndaj Genoas
sport
Roma për vazhdimësi në Udine, Spalletti me telashe ndaj Genoas

Roma për vazhdimësi në Udine, Spalletti me telashe ndaj Genoas

Seria A italiane do të vijojë sot me takimet e javës së 25-të, që do të ngrejë siparin me ndeshjen Udinese-Roma. Verdhekuqtë kanë rigjetur formën e duhur, teksa ia kanë dalë të grumbullojnë pikë të plotë në dy ndeshjet e fundit.

 

Skuadra e Di Francesko vjen si favorite në këtë sfidë, por Udinese brenda në stadiumin e saj është një rivale e vështirë për t’u kaluar. Ekipi nuk regjistron asnjë humbje në 5 sfidat e fundit në ndeshjet brenda.

 

Takimi mes Udineses dhe Romës do të transmetohen në Supersport 2, në orën 15:00, ndërsa në orën 18:00, në po të njëjtin kanal do të transmetohet sfida tjetër mes Chievos dhe Cagliarit.

 

Në mbrëmje, Inter do të udhëtojë në transfertën delikate të Xhenovas. Zikaltërit, pas 5 barazimeve radhazi në kampionat, mundën të riktheheshin tek suksesi në ndeshjen e fundit ndaj Bolognës.

 

3 pikë shumë të rëndësishme që e mbajnë skuadrën në zonën Champions, ndërkohë ndalesa e radhës për ta do të jetë Genoa. Ekipi i Davide Ballardini vjen në këtë duel pas dy fitoreve radhazi, me skuadrën që ka treguar një formë mjaft të mirë fizike.

 

Në takimin e parë mes dy skuadrave, zikaltrit fituan me rezultatin minimal 1-2, ndërsa sonte Spalletti do të përballet edhe me mungesën e dy lojtarëve gol të tij, Icardi dhe Perisiç. Edhe kjo sfidë do të transmetohet në Supersport 2 dhe do të startojë në orën 20:45.

© ZHURNAL 17.02.2018, 09:06 | Z.H. | 1,124 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."