Sugarevski-Moskovski: Maqedonia dhe Bullgaria së bashku do të kërkojnë para për projekte infrastrukturore
ekonomi
Sugarevski-Moskovski: Maqedonia dhe Bullgaria së bashku do të kërkojnë para për projekte infrastrukturore

Sugarevski-Moskovski: Maqedonia dhe Bullgaria së bashku do të kërkojnë para për projekte infrastrukturore

Shkup, 15 shkurt - Maqedonia dhe Bullgaria do të paraqiten së bashku në mënyrë që të sigurojnë para për projekte infrastrukturore të Korridorit 8, të cilat janë të rëndësishme për zhvillimin e rajonit, paralajmëruan pas takimit të sotëm në Sofje ministri i Maqedonisë i Transportit dhe Lidhjeve, Goran Sugarevski dhe kolegu i tij bullgar, Ivajllo Moskovski.

Biseduan për projektin për ndërlidhje hekurudhore, me ç'rast Sugarevski theksoi se Maqedonia po punon aktivisht në ndërtimin e hekurudhës drejt Bullgarisë.

"Në tre akset hekurudhore drejt Bullgarisë po punohet sipas dinamikës së paraparë dhe të respektohen afatet të cialt ishin paraparë në Memorandumin për bashkëpunim që e nënshkruan vitin e kaluar dy qeveritë", theksoi Minsitria e Maqedonisë de Transportit dhe Lidhjeve.

Sugarevski e njoftoi kolegun e tij bullgar me planet në pjesën e infrastrukturës rrugore të Korridorit 8, me theks të veçantë në ndërtimin e akseve të autostradave dhe rrugën e shpejtë nga Rankovci deri në Kriva Pallankë, si dhe zgjerimin e drejtimit rrugor deri në vendkalimin kufitar Deve Bair.

Ai kërkoi mbështetje shtesë nga Bullgaria si kryesuese me BE-në për sigurimin e mjeteve të pakthyeshme përmes fondeve të BE-së për realizimin e projekteve që janë me rëndësi kapitale për Republikën e Maqedonisë.

Në takim është biseduar edhe për mbështetjen që ia jep Bullgaria Maqedonisë për proceset eurointegruese dhe euroatlantike, qëndron në kumtesën e Minsitrisë së Transportit dhe Lidhjeve. 

© ZHURNAL 15.02.2018, 15:27 | D.J. | 1,542 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."