Chiellini: Kane është në një nivel me Messin, Ronaldon dhe Neymarin
sport
Chiellini: Kane është në një nivel me Messin, Ronaldon dhe Neymarin

Chiellini: Kane është në një nivel me Messin, Ronaldon dhe Neymarin

Ylli i Tottenhamit Harry Kane ka qenë në të njëjtin nivel me Lionel Messin, Cristiano Ronaldon dhe Neymarin në vitet e fundit, sipas mbrojtësit të Juventusit, Giorgio Chiellini.

Kane i ka shënuar të paktën 20 gola në secilin prej katër sezoneve të Premierligës, përfshirë 23 deri tani këtë sezon, transmeton Express.

Chiellini ka thënë se sulmuesi anglez e meriton të krahasohet me Messin, Ronaldon dhe Neymarin – të cilët vlerësohen si tre lojtarët më të mirë në botë.

“Kane tani është në mesin e lojtarëve elitë në botë. Në vitet e fundit, me golat që ka shënuar, ai ka qenë në një nivel me më të mirët”, ka thënë italiani para ndeshjes së skuadrës së tij kundër Tottenhamit sonte në mbrëmje në Ligë të Kampionëve.

“Messi, Ronaldo, Neymar – Kane është në nivelin e tyre”, ka shtuar ai.

© ZHURNAL 13.02.2018, 09:05 | Xh.I. | 670 I LEXUAR
"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."