ZHURNAL.MK ZHURNAL.KS ZHURNAL.AL

 

Lajme nga Maqedonia
Butaris: Aeroporti "Maqedonia" mund të riemërtohet në "Nikos Galis"

Prefekti i Selanikut Janis Butaris deklaroi se duhet të mendojë për ndryshimin e emrit të aeroportit "Maqedonia" të Selanikut.

07_22.jpg

Selanik, 13 shkurt - Prefekti i Selanikut Janis Butaris deklaroi se duhet të mendojë për ndryshimin e emrit të aeroportit "Maqedonia" të Selanikut.

"Nuk them se duhet të ndryshohet, por vetëm publikisht pyes, të mendojmë për këtë sepse emri 'Maqedonia' 'e ndau botën, na ndau ne" dhe nga kjo të gjithë humbasim", tha Butaris në deklaratën për televizionin grek "Skaj".

Sipas tij, aeroporti do të mund të mbajë emrin e basketbollistit të famshëm grek Nikos Galis, i cili, siç thotë, është person e njohur ndërkombëtarisht dhe i vetmi në Greqi i cili hyri në Shtëpinë amerikane të të famshmëve. Si arsye shtesë për riemërtimin e aeroportit", thekson prefekti i Selanikut, është kjo se turistët kur aterojnë në Selanik mendojnë se vijnë në Shkup.

Butaris konsideron dhe se nuk janë reale druajtjet greke nga Maqedonia dhe se problemi i Greqisë nuk është Shkupi, por Ankaraja, dhe ndikimi gjithnjë e më i madh turk në rajon.

Vlerëson se tani ka mundësi reale që problemi me emrin të zgjidhet, ndërsa çdo zvarritje do të shkonte në dëm të Greqisë.

"Më mirë të fitojmë 50 për qind, sesa 100 për qind prej asgjëje. Humbën në Hagë, nuk mund ta mbajmë veton për në NATO", deklaroi Butaris.

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 09:18  | D.J. | 1,382 i lexuar

 

 

 

Kongresistë nga SHBA-ja i drejtohen Zaevit: Është koha të konfirmohet vullneti i votuesve për ndërlidhjen e tyre me Perëndimin

Shkup, 15 tetor - Komisioni për partneritet demokratik i Dhomës përfaqësuese të Kongresit të SHBA-së në letrën adresuar kryeministrit Zoran Zaev shprehë inkurajim për qasje drejt ndryshimeve kushtetuese të cilat janë tëp domosdoshme për zbatimin e Marrëveshjes së Prespës edhe krahas sfidave pas referendumit, mes të cilave edhe përpjekjet e hapura dhe të mbuluara ruse për ta minuar Marrëveshjen.

Letra, të cilën e pranoi kryeministri i Maqedonisë, është nënshkruar nga Piter Roskam, kryesues nga Partia republikane dhe Dejvid Prajs, zëvendës-kryesues nga Partia demokratike, ndërkaq është dërguar në emër të 20 kongresistëve, republikanë dhe demokratë.

Kongresistët nga ky Komision, mandati i të cilit është të bashkëpunojë me vendet partnere të SHBA-së për zhvillim të institucioneve efikase dhe përgjegjëse, në letrën drejtuar Zaevit dhe Qeverisë përgëzojnë për shumicën e madhe të votave "për" në referendum dhe theksojnë se Kongresi amerikan mbetet fuqishëm me qytetarët e Republikës së Maqedonisë në aspiratat e tyre për anëtarësim në NATO dhe BE.

"Demorkacia nuk është vetëm mbajtje e zgjedhjeve të lira dhe të drejta, por  ajo që ndodhë mes dy cikleve zgjedhore. Tani është koha që bota ta shohë energjinë e demokracisë në Maqedoni, përmes konfirmimit të vullnetit të votuesve për ndërlidhjen e tyre me botën perëndimore", thuhet në letër.

Kongresistët amerikanë theksojnë se kontesti për emrin me Greqinë ka qëndruar tejet gjatë në rrugën e integrimeve euroatlantike të cilat do të thonë përfitime për qytetarët e Maqedonisë dhe se është koha që kontestet e këtilla të lihen anash, përmes angazhimit për përparim përfundimtar.

Nëshkruesit e letrës theksojnë se Kongresi i SHBA-së mbetet edhe më tutje i përkushtuar në marrëdhëniet bilaterale mes dy vendeve dhe i inspiruar nga rruga demokratike nëpër të cilin ecin qytetarët e Republikës së Maqedonisë. 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 15.10.2018, 12:15  | D.J. | 129 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.