ZHURNAL.MK ZHURNAL.KS ZHURNAL.AL

 

Lajme nga Maqedonia
Diplomatë të lartë të Çekisë dhe Sllovenisë për vizitë në Maqedoni

Në vizitë të përbashkët pune në Republikën e Maqedonisë sot do të vijnë zëvendësministri për Çështje Evropiane në Ministrinë e Punëve të Jashtme të Republikës së Çekisë, Jakub Dur dhe sekretari shtetëror në Ministrinë e Punëve të Jashtme të Republikës së Sllovenisë, Iz

02_95.jpg

Shkup, 13 shkurt - Në  vizitë të përbashkët pune në Republikën e Maqedonisë sot do të vijnë zëvendësministri për Çështje Evropiane në Ministrinë e Punëve të Jashtme të Republikës së Çekisë, Jakub Dur dhe sekretari shtetëror në Ministrinë e Punëve të Jashtme të Republikës së Sllovenisë, Iztok Miroshiç.

Përfaqësuesit e lartë të MPJ-së çeke dhe sllovene do të kenë takim me sekretarin shtetëror në MPJ-në e Maqedonisë, Viktor Dimovski, me ç'rast do të bisedojnë për intengrimin e Republikës së Maqedonisë në Bashkimin Evropian dhe në NATO, situatën e brendshme politike në vend dhe marrëdhëniet me fqinjët.

Siç kumtoi MPJ-ja e Maqedonisë, në suaza të vizitës, diplomatët e lartë të Çekisë dhe Sllovenisë do të realizojnë takim edhe me zëvendëskryetarin e Qeverisë së Maqedonisë të angazhuar për çështje evropiane, Bujar Osmani. Dur dhe Miroshiç do të mbajnë edhe ligjëratë të përbashkët para studentëve të degës për shkenca politike në Fakultetin Juridik "Justiniani i Parë" në Shkup. 

 

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 13.02.2018, 09:12  | D.J. | 654 i lexuar

 

 

 

VMRO: Me huamarrjet e reja, qeveria varfëron qytetarët

Shkup, 16 tetor - VMRO-DPMNE ka drejtuar kritika të ashpra në drejtim të ekzekutivit për huazimet e reja që po bëhen nga Ministria e Financave.

Nga kjo parti akuzuan qeverinë e udhëhequr nga LSDM, se duke pasuruar bashkëpunëtorët e ngushtë të saj, po e zhyt vendin dhe qytetarët në borxhe të reja me marrjen e huas prej 54 milionë euro. VMRO kërkon ndaljen e menjëhershme të këtyre huazimeve që, siç vlerësuan, shpenzohen në projekte joproduktive.

“Qeveria e LDSM-së i obligon qytetarët me 54 milionë euro të reja, para që do duhet të kthehen nga qytetarët dhe gjeneratat e ardhshme. Pos kësaj, Tevdovski dhe LSDM kanë planifikuar edhe një huamarrje tjetër në javët në vijim prej rreth 37 milionë euro, që do të thotë se huamarrja neto shkon në 17 milionë euro pa llogaritur këtu kamatën. Borxhi i përgjithshëm publik i Republikës së Maqedonisë në fund të kuartalit të dytë të vitit 2018 është 48.8% e PBB-së që paraqet rritje prej 0,6 për qind. Manipulimet e Zaevit dhe Tevdovskit se gjoja po nxjerrin nga borxhi shtetin, nuk kalojnë më tek qytetarët. VMRO-DPMNE kërkon menjëherë të ulen shpenzimet joproduktive dhe huamarrjet e mëdha, ndërsa njëkohësisht të zvogëlohet akciza për karburantet”,- tha zëdhënësi i VMRO-DPMNE-së, Dimçe Arsovski.

"Kopjimi i kësaj përmbajtjeje ose një pjese të saj pa ndonjë marrëveshje të arritur me redaksinë e ZHURNAL.mk, do të thotë se pranoni kushtet për kopjim, të cilat janë publikuar KËTU."
 16.10.2018, 20:29  | D.J. | 275 i lexuar

© ZHURNAL.mk

MARKETINGU    |    IMPRESUM    |    KONTAKT    |    ARKIVA
AGJENCIA E LAJMEVE "ZHURNAL"
Fon: 02 3217 815, E-mail: info @ zhurnal.mk
© 2018 Agjencia e lajmeve "ZHURNAL"
Të gjitha të drejtat e përmbajtjes në këtë portal janë të rezervuara. Ndalohet ribotimi i përmbajtjes (lajmeve dhe të gjitha shkrimeve të tjera) pa lejen me shkrim të portalit "Zhurnal".
Çdo përdorues publik i përmbajtjes sonë pa autorizimin e posaçëm nga "Zhurnal" rrezikon të ballafaqohet me ligjin.